ПЭКІН. Прэзыдэнт Кітаю Ху Джыньтаа павіншаваў двух кітайскіх астранаўтаў, што чацьвёрты дзень знаходзяцца на арбіце -- на борце другога кітайскага касьмічнага карабля “Шэньчжоў”. “Кітай ганарыцца вамі і наладзіць вам пышную сутрэчу”, -- паабяцаў лідэр дзяржавы. Размова трансьлявалася па дзяржаўнай тэлевізіі. Касьмічная місія можа вярнуцца ў нядзелю ці панядзелак. Два гады таму Кітай упершыню запусьціў свой карабель у космас, стаўшы трэцяй касьмічнай дзяржавай пасьля былога СССР і ЗША.