Распавядае маладая маці Вольга зь вёскі Стралічава Хойніцкага раёну:
(Вольга: ) “За ліпень атрымлівалі на дзяцей, і болей не атрымлівалі. Сёньня мне пяцёра мацярок тэлефанавалі, пыталіся — будуць даваць грошы, ня будуць?”
У Вольгі сям’я ня склалася, і яна цяпер адна гадуе сына. Хлопчыку няма яшчэ трох гадоў, але маці выйшла на працу ў сельгаспрадпрыемства “Cтралічава”, спадзеючыся неяк выправіць сваё матэрыяльнае становішча. Аднак заробак тут таксама плацяць зь вялікай затрымкай.
(Вольга: ) “Дапамогу на дзяцей спачатку давалі, потым заробак за ліпень. А пасьля гэтага нічога яшчэ не давалі”, — распавяла маладая маці.
У бухгальтэрыі сельгаспрадпрыемства “Cтралічава” паведамілі, што ў такім жа становішчы, як Вольга, знаходзяцца яшчэ 38 маці. Яны не атрымліваюць своечасова і дапамогі за пражываньне ў чарнобыльскай зоне.
На два-тры месяцы затрымліваюць выплаты дапамогаў на дзяцей у сельгаспрадпрыемствах “Барысаўшчына”, “Хойніцкае”, у “Аграсэрвісе”, раённым камбінаце бытавога абслугоўваньня.
Дырэктар быткамбінату Аляксандар Назарчук, у прыватнасьці, сказаў, што камбінат завінаваціўся мацяркам на дзяцей больш як 4 мільёны рублёў. Доўг утварыўся пры былым кіраўніку, сплаціць цяпер грошы ў кароткі тэрмін няма магчымасьці з прычыны цяжкага фінансавага стану камбінату.
У сельгаспрадпрыемстве “Хойніцкае” сёньня выдавалі мацяркам дапамогі на дзяцей за жнівень. Грошай на выплату заробку за жнівень саўгас ня мае. Усе невялікія паступленьні банк забраў за крэдыты.
(Атрошчанка: ) “Усё ў нас забралі за даўгі. Грошай ужо няма. За даўгі забралі, дык якія могуць быць грошы!” — кажа старшыня прафкаму сельгаспрадпрыемства “Хойніцкае” Зінаіда Атрошчанка.
(Вольга: ) “За ліпень атрымлівалі на дзяцей, і болей не атрымлівалі. Сёньня мне пяцёра мацярок тэлефанавалі, пыталіся — будуць даваць грошы, ня будуць?”
У Вольгі сям’я ня склалася, і яна цяпер адна гадуе сына. Хлопчыку няма яшчэ трох гадоў, але маці выйшла на працу ў сельгаспрадпрыемства “Cтралічава”, спадзеючыся неяк выправіць сваё матэрыяльнае становішча. Аднак заробак тут таксама плацяць зь вялікай затрымкай.
(Вольга: ) “Дапамогу на дзяцей спачатку давалі, потым заробак за ліпень. А пасьля гэтага нічога яшчэ не давалі”, — распавяла маладая маці.
У бухгальтэрыі сельгаспрадпрыемства “Cтралічава” паведамілі, што ў такім жа становішчы, як Вольга, знаходзяцца яшчэ 38 маці. Яны не атрымліваюць своечасова і дапамогі за пражываньне ў чарнобыльскай зоне.
На два-тры месяцы затрымліваюць выплаты дапамогаў на дзяцей у сельгаспрадпрыемствах “Барысаўшчына”, “Хойніцкае”, у “Аграсэрвісе”, раённым камбінаце бытавога абслугоўваньня.
Дырэктар быткамбінату Аляксандар Назарчук, у прыватнасьці, сказаў, што камбінат завінаваціўся мацяркам на дзяцей больш як 4 мільёны рублёў. Доўг утварыўся пры былым кіраўніку, сплаціць цяпер грошы ў кароткі тэрмін няма магчымасьці з прычыны цяжкага фінансавага стану камбінату.
У сельгаспрадпрыемстве “Хойніцкае” сёньня выдавалі мацяркам дапамогі на дзяцей за жнівень. Грошай на выплату заробку за жнівень саўгас ня мае. Усе невялікія паступленьні банк забраў за крэдыты.
(Атрошчанка: ) “Усё ў нас забралі за даўгі. Грошай ужо няма. За даўгі забралі, дык якія могуць быць грошы!” — кажа старшыня прафкаму сельгаспрадпрыемства “Хойніцкае” Зінаіда Атрошчанка.