Інфармацыя аб падзеях у Нальчыку даволі супярэчлівая. Новы прэзыдэнт Кабардзіна-Балкарыі Арсэн Канокаў паведаміў у першай палове дня, што каля 50 баевікоў і 12 мірных жыхароў было забіта падчас баёў. Яшчэ 50 чалавек было паранена. Іншыя інфармацыйныя агенцтвы ў працягу дня паведамлялі аб 20 ахвярах сярод мірнага насельніцтва.
Вось што аб пачатку сутыкненьняў паведаміў карэспандэнт нашага радыё на Паўночным Каўказе Юры Багроў.
(Багроў: ) "Раніцай баевікі напалі на ўрадавыя аб’екты гораду. Паводле розных ацэнак іх было ад 150 да 300 чалавек. Расейскія ўлады пачалі тэрмінова перакідваць у Нальчык новыя аддзелы ўнутраных войскаў. Цэнтар гораду блякаваны, мірныя жыхары зь яго эвакуяваныя. Цягам дня зьяўляліся паведамленьні аб захопе баевікамі школы, але пазьней яны не былі пацьверджаныя".
Бліжэй да абеду ў горад прыбыў паўнамоцны прадстаўнік прэзыдэнта ў Паўднёвай фэдэральнай акрузе Дзьміры Козак. Ён паведаміў, што ў адным з аддзяленьняў міліцыі баевікі ўтрымліваюць закладнікаў.
Супярэчлівая інфармацыя і аб прыналежнасьці баевікоў. Паведамляецца, што яны надзетыя ў чорную форму. На адным з сайтаў у працягу дня зьявілася інфармацыя, што ў Нальчыку праводзяць апэрацыю “байцы Каўкаскага фронту”. Аднак улады Кабардына-Балкарыі схільныя ўскладаць адказнасьць за напад на радыкальную ісламскую групу “Ярмук”. Яе заснавальнік, этнічны балкарац Атэйеў, ваяваў у Чачэніі пад кіраўніцтвам Руслана Гелаева і быў забіты ў студзені сёлета.
Паводле паведамленьняў міністэрства ўнутраных справаў гэтай рэспублікі, на яе тэрыторыі дзейнічаюць каля 20 падпольных ісламісцкіх груповак.
Вось што аб пачатку сутыкненьняў паведаміў карэспандэнт нашага радыё на Паўночным Каўказе Юры Багроў.
(Багроў: ) "Раніцай баевікі напалі на ўрадавыя аб’екты гораду. Паводле розных ацэнак іх было ад 150 да 300 чалавек. Расейскія ўлады пачалі тэрмінова перакідваць у Нальчык новыя аддзелы ўнутраных войскаў. Цэнтар гораду блякаваны, мірныя жыхары зь яго эвакуяваныя. Цягам дня зьяўляліся паведамленьні аб захопе баевікамі школы, але пазьней яны не былі пацьверджаныя".
Бліжэй да абеду ў горад прыбыў паўнамоцны прадстаўнік прэзыдэнта ў Паўднёвай фэдэральнай акрузе Дзьміры Козак. Ён паведаміў, што ў адным з аддзяленьняў міліцыі баевікі ўтрымліваюць закладнікаў.
Супярэчлівая інфармацыя і аб прыналежнасьці баевікоў. Паведамляецца, што яны надзетыя ў чорную форму. На адным з сайтаў у працягу дня зьявілася інфармацыя, што ў Нальчыку праводзяць апэрацыю “байцы Каўкаскага фронту”. Аднак улады Кабардына-Балкарыі схільныя ўскладаць адказнасьць за напад на радыкальную ісламскую групу “Ярмук”. Яе заснавальнік, этнічны балкарац Атэйеў, ваяваў у Чачэніі пад кіраўніцтвам Руслана Гелаева і быў забіты ў студзені сёлета.
Паводле паведамленьняў міністэрства ўнутраных справаў гэтай рэспублікі, на яе тэрыторыі дзейнічаюць каля 20 падпольных ісламісцкіх груповак.
