МЭРДАРЭ. Пасьля эксгумацыі масавага пахаваньня прадстаўнікі Сэрбіі перадалі сем’ям парэшткі 24 альбанцаў, забітых у Косаўскай вайне 1998-1999 гг. Сваякі ахвяраў і мясцовыя чыноўнікі ўсклалі кветкі на месцы масавага пахаваньня. Альбанцы былі забітыя сэрбскімі вайскоўцамі пры рэжыме былога югаслаўскага прэзыдэнта Слабадана Мілошавіча. Гэта адбылося на мяжы паміж Сэрбіяй і Косавам, ля сэрбскага Пэтрава Сэла, дзе знойдзена некалькі падобных пахаваньняў.