Дэпутат Палаты прадстаўнікоў Сяргей Касьцян заявіў Радыё Свабода, што ня будзе дапамагаць незалежнай газэце ў вырашэньні праблемаў.
(Касьцян: ) “Я гэтага рабіць ня буду, бо вельмі багата бруду выліла на мяне “Народная Воля” за ўсе гэтыя гады”.
(Карэспандэнтка: ) “А як вы ставіцеся да самой сытуацыі, у якой апынулася газэта?”
(Касьцян: ) “Я лічу, што ў нас ёсьць суд, і няхай разглядаюць гэтую справу ў судзе”.
Іншыя дэпутаты, зь якімі я сёньня паразмаўляла, не пагадзіліся выказаць свайго стаўленьня да сытуацыі з “Народнай Воляй”. Яны спасылаліся на занятасьць працай у акругах, а таксама на тое, што яшчэ не пасьпелі ўважліва азнаёміцца зь лістом Іосіфа Сярэдзіча.
Я пацікавілася меркаваньнем дэпутаткі Вольгі Абрамавай, якая ўжо накіравала ліст да міністра інфармацыі наконт “Народнай Волі”, ці могуць адгукнуцца дэпутаты на заклік дапамагчы незалежнай газэце?
(Абрамава: ) “Гэтага я не магу сказаць. Тут кожны адказвае сам за сябе. Выбары па аднамандатных акругах, гэта не партыйныя сьпісы, якія дазваляюць вызначаць ідэалёгію таго ці іншага прадстаўніка”.
Тым часам у рэдакцыю “Народнай Волі” штодня прыходзяць сотні чытачоў, каб атрымаць газэту, якой яны цяпер ня могуць набыць у газэтных шапіках. Распавядае камэрцыйная дырэктарка “Народнай Волі” Яўгенія Церахава:
(Церахава: ) “Цяпер газэта распаўсюджваецца толькі праз падпіску, празь “Белпошту”. Людзі не пакідаюць нас. Ужо з самай раніцы, калі мы прыходзім на працу, не пасьпелі яшчэ паставіць штампікі на газэце, што яна распаўсюджваецца бясплатна ў рэклямных мэтах, а людзі ўжо чакаюць. І ўвечары прыходзяць пры канцы дня і пытаюцца: “А можа, ужо прывезьлі газэту са Смаленску?”
Дапамагаюць у пашырэньні “Народнай Волі” і палітычныя партыі. Сябры Партыі БНФ цяпер штодня бяруць у рэдакцыі каля 2 тысяч асобнікаў. Частку зь іх можна атрымаць ва ўправе партыі, а частку актывісты раздаюць людзям у горадзе. Гаворыць намесьнік старшыні Партыі БНФ Віктар Івашкевіч:
(Івашкевіч: ) “Распаўсюджваюць каля ўнівэрсамаў, на прыпынках грамадзкага транспарту, на прахадных заводаў”.
Да распаўсюду незалежнай газэты далучыліся і актывісты Аб’яднанай грамадзянскай партыі. Напрыклад, у мінулую пятніцу кіраўнікі партыі раздалі людзям ля Камароўскага рынку некалькі тысяч асобнікаў “Народнай Волі” з матэрыяламі Кангрэсу дэмакратычных сілаў. Гаворыць старшыня Менскай гарадзкой арганізацыі АГП Ігар Шынкарык:
(Шынкарык: ) “Мы плянуем распаўсюджваць і па рэгіёнах. Патроху перадаем, як можам, і ў Вялейку, і ў Салігорск… Разы два на тыдзень наклад 4—5 тысячаў мы можам распаўсюджваць па Менску. Будзем распаўсюджваць у цэнтры, ля Камароўкі, на “Заходнім рынку”, там, дзе больш людзей”.
Ад 1 кастрычніка ўсе падразьдзяленьні “Белсаюздруку” і друкарня “Чырвоная зорка” ў аднабаковым парадку датэрмінова скасавалі дамовы зь незалежнай газэтай “Народная Воля” на распаўсюд і друкаваньне ў Беларусі. Ад 3 кастрычніка газэта друкуецца ў Смаленску.
(Касьцян: ) “Я гэтага рабіць ня буду, бо вельмі багата бруду выліла на мяне “Народная Воля” за ўсе гэтыя гады”.
(Карэспандэнтка: ) “А як вы ставіцеся да самой сытуацыі, у якой апынулася газэта?”
(Касьцян: ) “Я лічу, што ў нас ёсьць суд, і няхай разглядаюць гэтую справу ў судзе”.
Іншыя дэпутаты, зь якімі я сёньня паразмаўляла, не пагадзіліся выказаць свайго стаўленьня да сытуацыі з “Народнай Воляй”. Яны спасылаліся на занятасьць працай у акругах, а таксама на тое, што яшчэ не пасьпелі ўважліва азнаёміцца зь лістом Іосіфа Сярэдзіча.
Я пацікавілася меркаваньнем дэпутаткі Вольгі Абрамавай, якая ўжо накіравала ліст да міністра інфармацыі наконт “Народнай Волі”, ці могуць адгукнуцца дэпутаты на заклік дапамагчы незалежнай газэце?
(Абрамава: ) “Гэтага я не магу сказаць. Тут кожны адказвае сам за сябе. Выбары па аднамандатных акругах, гэта не партыйныя сьпісы, якія дазваляюць вызначаць ідэалёгію таго ці іншага прадстаўніка”.
Тым часам у рэдакцыю “Народнай Волі” штодня прыходзяць сотні чытачоў, каб атрымаць газэту, якой яны цяпер ня могуць набыць у газэтных шапіках. Распавядае камэрцыйная дырэктарка “Народнай Волі” Яўгенія Церахава:
(Церахава: ) “Цяпер газэта распаўсюджваецца толькі праз падпіску, празь “Белпошту”. Людзі не пакідаюць нас. Ужо з самай раніцы, калі мы прыходзім на працу, не пасьпелі яшчэ паставіць штампікі на газэце, што яна распаўсюджваецца бясплатна ў рэклямных мэтах, а людзі ўжо чакаюць. І ўвечары прыходзяць пры канцы дня і пытаюцца: “А можа, ужо прывезьлі газэту са Смаленску?”
Дапамагаюць у пашырэньні “Народнай Волі” і палітычныя партыі. Сябры Партыі БНФ цяпер штодня бяруць у рэдакцыі каля 2 тысяч асобнікаў. Частку зь іх можна атрымаць ва ўправе партыі, а частку актывісты раздаюць людзям у горадзе. Гаворыць намесьнік старшыні Партыі БНФ Віктар Івашкевіч:
(Івашкевіч: ) “Распаўсюджваюць каля ўнівэрсамаў, на прыпынках грамадзкага транспарту, на прахадных заводаў”.
Да распаўсюду незалежнай газэты далучыліся і актывісты Аб’яднанай грамадзянскай партыі. Напрыклад, у мінулую пятніцу кіраўнікі партыі раздалі людзям ля Камароўскага рынку некалькі тысяч асобнікаў “Народнай Волі” з матэрыяламі Кангрэсу дэмакратычных сілаў. Гаворыць старшыня Менскай гарадзкой арганізацыі АГП Ігар Шынкарык:
(Шынкарык: ) “Мы плянуем распаўсюджваць і па рэгіёнах. Патроху перадаем, як можам, і ў Вялейку, і ў Салігорск… Разы два на тыдзень наклад 4—5 тысячаў мы можам распаўсюджваць па Менску. Будзем распаўсюджваць у цэнтры, ля Камароўкі, на “Заходнім рынку”, там, дзе больш людзей”.
Ад 1 кастрычніка ўсе падразьдзяленьні “Белсаюздруку” і друкарня “Чырвоная зорка” ў аднабаковым парадку датэрмінова скасавалі дамовы зь незалежнай газэтай “Народная Воля” на распаўсюд і друкаваньне ў Беларусі. Ад 3 кастрычніка газэта друкуецца ў Смаленску.
