Аўтобус зь беларускімі турыстамі трапіў у аварыю ў Празе

У момант, калі беларускія турысты выходзілі з аўтобусу, які запаркаваўся непадалёк ад галоўнага вакзалу, у групу ўрэзалася машына. За рулём быў п’яны кіроўца. Адзін з турыстаў у выніку сутыкненьня быў адкінуты на некалькі мэтраў, на стаянку таксі. Іншыя маюць пералом нагі або сатрасеньне мазгоў. Паранены кіроўца ў стрэсавым стане быў перавезены ў шпіталь.