Першаснае судовае рашэньне пра высяленьне было прынятае ў адсутнасьць прадстаўнікоў Свабоднага прафсаюзу. Кіраўніцтва арганізацыі яго абскардзіла, і Гаспадарчы суд Менску адмяніў гэтую пастанову як незаконную. Але адначасна суд прыняў новае рашэньне пра пазбаўленьне права арэнды. Гэткім чынам, апэляваць да правасудзьдзя стала заняткам бессэнсоўным, і цяпер прафсаюз мусіць высяляцца літаральна на вуліцу – кажа лідэр арганізацыі Генадзь Быкаў.
(Быкаў: ) “Зьбіраемся й пераяжджаем. Пераяжджаем на вуліцу: дзе ў каго, у лазьні, на лецішчы ці ў кватэры будзем архівы захоўваць”.
Паводле спадара Быкава, гэткім чынам Свабодны прафсаюз пазбаўлены юрыдычнай адрэсы і таму тэрмінова шукае новае памяшканьне, але пакуль безвынікова.
(Быкаў: ) “Хто дасьць для Свабоднага прафсаюзу? Гэта ж бокам вылезе, як кажуць”.
Генадзь Быкаў заяўляе, што адказныя супрацоўнікі Мін''юсту папярэдзілі, што маюць намер абмеркаваць з кіраўніцтвам прафсаюзу некаторыя пытаньні. Паводле спадара Быкава, ня выключана, што гаворка будзе тычыцца менавіта юрыдычнай адрэсы. Вось як гэтую сытуацыю камэнтуе лідэр незалежнага прафсаюзу радыёэлектроннай прамысловасьці Генадзь Фядыніч:
(Фядыніч: ) “Прафсаюз Быкава, як і наш – ён не ўваходзіць у Фэдэрацыю прафсаюзаў Беларусі, а таму ўлада, відаць, лічыць, што такіх прафсаюзаў і не павінна быць. З гэтай нагоды, відаць, усё і робіцца ціхімі крокамі, але з адным вынікам – каб незалежныя прафсаюзы не існавалі на тэрыторыі Беларусі.”
Паводле спадара Фядыніча, днямі яго выклікалі ў Пракуратуру краіны, дзе ён мусіў пісаць тлумачальную запіску з прычыны публікацыі ў прафсаюзным інфармацыйным бюлетэні “Экспрэс-інфо” паведамленьня пра дрэннае эканамічнае й сацыяльнае становішча на шэрагу прамысловых прадпрыемства Магілёву. У пракуратуры заявілі, што артыкул утрымлівае шмат “нэгатыўнай інфармацыі”.
Акрамя таго, 19 кастрычніка ў Савецкім судзе Менску распачынаюцца слуханьні ў справе адмовы адміністрацыі менскага аўтазаводу рэгістраваць першасную суполку прафсаюзу радыёэлектроннай прамысловасьці.
(Быкаў: ) “Зьбіраемся й пераяжджаем. Пераяжджаем на вуліцу: дзе ў каго, у лазьні, на лецішчы ці ў кватэры будзем архівы захоўваць”.
Паводле спадара Быкава, гэткім чынам Свабодны прафсаюз пазбаўлены юрыдычнай адрэсы і таму тэрмінова шукае новае памяшканьне, але пакуль безвынікова.
(Быкаў: ) “Хто дасьць для Свабоднага прафсаюзу? Гэта ж бокам вылезе, як кажуць”.
Генадзь Быкаў заяўляе, што адказныя супрацоўнікі Мін''юсту папярэдзілі, што маюць намер абмеркаваць з кіраўніцтвам прафсаюзу некаторыя пытаньні. Паводле спадара Быкава, ня выключана, што гаворка будзе тычыцца менавіта юрыдычнай адрэсы. Вось як гэтую сытуацыю камэнтуе лідэр незалежнага прафсаюзу радыёэлектроннай прамысловасьці Генадзь Фядыніч:
(Фядыніч: ) “Прафсаюз Быкава, як і наш – ён не ўваходзіць у Фэдэрацыю прафсаюзаў Беларусі, а таму ўлада, відаць, лічыць, што такіх прафсаюзаў і не павінна быць. З гэтай нагоды, відаць, усё і робіцца ціхімі крокамі, але з адным вынікам – каб незалежныя прафсаюзы не існавалі на тэрыторыі Беларусі.”
Паводле спадара Фядыніча, днямі яго выклікалі ў Пракуратуру краіны, дзе ён мусіў пісаць тлумачальную запіску з прычыны публікацыі ў прафсаюзным інфармацыйным бюлетэні “Экспрэс-інфо” паведамленьня пра дрэннае эканамічнае й сацыяльнае становішча на шэрагу прамысловых прадпрыемства Магілёву. У пракуратуры заявілі, што артыкул утрымлівае шмат “нэгатыўнай інфармацыі”.
Акрамя таго, 19 кастрычніка ў Савецкім судзе Менску распачынаюцца слуханьні ў справе адмовы адміністрацыі менскага аўтазаводу рэгістраваць першасную суполку прафсаюзу радыёэлектроннай прамысловасьці.
