БАКУ. Два галоўныя апазыцыйныя блёкі Азэрбайджану падпісалі пагадненьне аб супрацоўніцтве перад парлямэнцкімі выбарамі 6 лістапада. У адпаведнасьці з дамоваю, “Азадлік” (“Свабода”) і “Мілі Бэрлік” (“Нацыянальная еднасьць”) аб’яднаюць сілы для супрацьдзеяньня фальсыфікацыям і для падтрымкі кандыдатаў у выбарчых акругах, дзе яны не канкуруюць за месцы ў парлямэнце. Яны дамовіліся таксама не працаваць адзін супраць аднаго.