БАКУ. Азэрбайджанскія спэцслужбы блякавалі штаб-кватэру Дэмакратычнай партыі Азэрбайджана. У пятніцу вечарам былі арыштаваныя і вывезеныя ў невядомым кірунку тры апазыцыянэры, яшчэ двое – арыштаваныя за дзень да таго.
Дэмакратычная партыя лічыць гэтыя рэпрэсіі спробай зашкодзіць вяртаньню на Бацькаўшчыну лідэра азэрбайджанскай апазыцыі Расула Гуліева, які з 1996 г. знаходзіцца ў палітычнай эміграцыі ў ЗША.