ХМЯЛЬНІЦКІ. Ва Ўкраіне атруціліся больш за 360 дзяцей. Усе шпіталізаваныя, чатыры дзіцяці ў крытычным стане. Дзеці захварэлі ад ежы ў садках. Міністэрства аховы здароўя цьвердзіць, што крыніца інфэкцыі – бактэрыі дызэнтэрыі ў кефіры. Міністэрства абароны паслала ў Хмяльніцкі два перасоўныя ваенныя шпіталі, каб дапамагчы даглядаць дзяцей. Летась дрэнны санітарны стан дзяржаўных малаказаводаў выклікаў атручваньне больш чым васьмісот дзяцей у трох вобласьцях Украіны.