БАГДАД. У Іраку за месяц колькасьць ахвяраў тэрактаў і нападаў вырасла прыблізна на траціну. У верасьні – паводле афіцыйных дадзеных – загінулі 702 чалавекі (у жніўні – 526). Паранена каля 850 чалавек. Бальшыня ахвяраў – цывільныя жыхары. За верасень зарэгістравана больш за 30 выбухаў замінаваных аўтамабіляў, 50 узброеных нападаў і некалькі мінамётных абстрэлаў. Колькасьць ахвяраў ад пачатку году склала больш за 4300 чалавек.