Райс заклікае амэрыканцаў застацца ў Іраку

БАГДАД. У Іраку за апошнія два дні ад чатырох выбухаў у гарадох Гіла й Балад загінулі больш за 110 чалавек.

У Вашынгтоне Дзяржсакратар ЗША Кандалізза Райс заявіла:

(Райс:) “Пайсьці з Іраку цяпер – азначае пакінуць у бядзе прыхільнікаў дэмакратыі ў краіне – у вырашальны момант. Гэтым мы надамо сьмеласьці ворагам свабоды й дэмакратыі на ўсім Блізкім Усходзе, пазбавім людзей у гэтым рэгіёне шанцаў на годную будучыню і – апрача таго – мы зробім Амэрыку больш безабароннай”.