БЭРЛІН. У Нямеччыне Ангела Мэркель, лідэр хрысьціянскіх дэмакратаў, не змагла пераканаць партыю “зялёных” пачаць перамовы пра фармаваньне кааліцыі. Такім чынам, захоўваецца тупік, які ўзьнік пасьля выбараў, на якіх ні адна з партыяў краіны не атрымала неабходнай дзеля фармаваньня кабінэту большасьці галасоў. Апазыцыйны блёк Мэркель ХДС-ХСС набраў усяго на адзін працэнт галасоў болей, чым сацыял-дэмакраты канцлера Герхарда Шрэдэра.