БЭРЛІН. Нямецкі канцлер Герхард Шрэдэр і яго суперніца Ангела Мэркель правялі сёньня свае першыя афіцыйныя перамовы ў спробе вырашыць, хто зь іх будзе кіраваць краінай. Лідэр хрысьціянскіх дэмакратаў Мэркель заявіла, што перамовы адбываліся ў канструктыўнай атмасфэры і што працяг дыскусіі адбудзецца на наступным тыдні. На выбарах у нядзелю кансэрватыўная партыя Мэркель набрала на адзін працэнт галасоў болей, чым левацэнтрысцкія сацыял-дэмакраты Шрэдэра. Аднак, гэтай перамогі не дастаткова, каб сфармаваць урад.