Паводле ўказу №140 грамадзяне Беларусі, што ўвозяць з-за мяжы машыны для выкарыстаньня ў камэрцыйных мэтах, мусяць плаціць рэспубліканскі збор 3,5 эўра за кубічны сантымэтар аб’ёму рухавіка. Гэты ўказ быў падпісаны Аляксандрам Лукашэнкам 25 красавіка 2004 году.
І хаця ўсе берасьцейскія галадоўнікі ўвезьлі ў Беларусь свае міні-аўтобусы задоўга да прыняцьця гэтага ўказу, падатковыя інспэкцыі разаслалі ім паведамленьні пра тое, што яны мусяць заплаціць рэспубліканскі збор. Сумы гэтага збору немалыя — ад 25 да 50 мільёнаў рублёў.
Прадпрымальнікі езьдзілі ў Міністэрства па падатках і зборах і ў Вышэйшы гаспадарчы суд, дзе безвынікова даводзілі чыноўнікам, што закон ня мае адваротнай сілы. Урэшце яны вырашылі распачаць з 20 верасьня галадоўку.
Гаворыць прадпрымальніца Любоў Рэзановіч, якой пагражае выплата збору на 50 мільёнаў рублёў:
(Рэзановіч: ) “Нам проста адмовілі. Мы ў адміністрацыю прэзыдэнта тэлефануем, а нам мужык наўпрост адказвае — казна пустая, і нам трэба яе напаўняць. Любым чынам мы яе будзем напаўняць. А за чый кошт? За кошт прадпрымальнікаў. З кпінам — усё, да пабачэньня”.
У Берасьці на рынку перавозкі пасажыраў працуе больш за сто ўладальнікаў мікрааўтобусаў. Але ўлады пакуль вырашылі спагнаць рэспубліканскі збор з шасьці чалавек. Гэтыя людзі лічаць, што такім чынам чыноўнікі хочуць паглядзець на рэакцыю прадпрымальнікаў — будуць тыя пратэставаць ці не. Як вынік, людзі вырашылі распачаць галадоўку і дамагацца сустрэчы з Аляксандрам Лукашэнкам. Любоў Рэзановіч працягвае:
(Рэзановіч: ) “Мы супраць няправільнага тлумачэньня ўказу. Альбо адмяніць няправільнае трактаваньне ўказу, альбо сустрэча з прэзыдэнтам. І мы будзем гэтага дамагацца. Мы хочам, каб прэзыдэнт нас пачуў. Калі ён пачуе, то пойдзе на саступкі і ўсё гэта адменіць”.
Паводле спадарыні Рэзановіч, калі Аляксандар Лукашэнка не сустрэнецца зь ёй і яе калегамі цягам трох тыдняў, галадоўнікі думаюць адмовіцца ад спажываньня вады.
Сёньня прадпрымальнікі наведалі Берасьцейскі аблвыканкам і запатрабавалі, каб улады далі ім памяшканьне для галадоўкі і забясьпечылі мэдычны нагляд. Чыноўнікі паабяцалі даць адказ заўтра.
***
У сакавіку і красавіку сёлета 31 дзень галадаваў ваўкавыскі прыватны прадпрымальнік, уладальнік фірмы “Радыё-таксі” Мікалай Аўтуховіч, а таксама некалькі дзесяткаў кіроўцаў таксовак фірмы ды іх прыхільнікі. Галадоўка адбывалася на знак пратэсту супраць дзеяньняў падатковай інспэкцыі, якая наклала на Аўтуховіча штраф у памеры 140 тысячаў даляраў і, не дачакаўшыся выплаты, сканфіскавала 13 аўтамабіляў “Радыё-таксі”. Канкрэтным патрабаваньнем галадоўшчыкаў было зьняцьцё забароны на эксплюатацыю грузавых машынаў фірмы “Ніка-Транс”, зьвязанай з “Радыё-таксі”. Гэтая мэта была дасягнутая.
І хаця ўсе берасьцейскія галадоўнікі ўвезьлі ў Беларусь свае міні-аўтобусы задоўга да прыняцьця гэтага ўказу, падатковыя інспэкцыі разаслалі ім паведамленьні пра тое, што яны мусяць заплаціць рэспубліканскі збор. Сумы гэтага збору немалыя — ад 25 да 50 мільёнаў рублёў.
Прадпрымальнікі езьдзілі ў Міністэрства па падатках і зборах і ў Вышэйшы гаспадарчы суд, дзе безвынікова даводзілі чыноўнікам, што закон ня мае адваротнай сілы. Урэшце яны вырашылі распачаць з 20 верасьня галадоўку.
Гаворыць прадпрымальніца Любоў Рэзановіч, якой пагражае выплата збору на 50 мільёнаў рублёў:
(Рэзановіч: ) “Нам проста адмовілі. Мы ў адміністрацыю прэзыдэнта тэлефануем, а нам мужык наўпрост адказвае — казна пустая, і нам трэба яе напаўняць. Любым чынам мы яе будзем напаўняць. А за чый кошт? За кошт прадпрымальнікаў. З кпінам — усё, да пабачэньня”.
У Берасьці на рынку перавозкі пасажыраў працуе больш за сто ўладальнікаў мікрааўтобусаў. Але ўлады пакуль вырашылі спагнаць рэспубліканскі збор з шасьці чалавек. Гэтыя людзі лічаць, што такім чынам чыноўнікі хочуць паглядзець на рэакцыю прадпрымальнікаў — будуць тыя пратэставаць ці не. Як вынік, людзі вырашылі распачаць галадоўку і дамагацца сустрэчы з Аляксандрам Лукашэнкам. Любоў Рэзановіч працягвае:
(Рэзановіч: ) “Мы супраць няправільнага тлумачэньня ўказу. Альбо адмяніць няправільнае трактаваньне ўказу, альбо сустрэча з прэзыдэнтам. І мы будзем гэтага дамагацца. Мы хочам, каб прэзыдэнт нас пачуў. Калі ён пачуе, то пойдзе на саступкі і ўсё гэта адменіць”.
Паводле спадарыні Рэзановіч, калі Аляксандар Лукашэнка не сустрэнецца зь ёй і яе калегамі цягам трох тыдняў, галадоўнікі думаюць адмовіцца ад спажываньня вады.
Сёньня прадпрымальнікі наведалі Берасьцейскі аблвыканкам і запатрабавалі, каб улады далі ім памяшканьне для галадоўкі і забясьпечылі мэдычны нагляд. Чыноўнікі паабяцалі даць адказ заўтра.
***
У сакавіку і красавіку сёлета 31 дзень галадаваў ваўкавыскі прыватны прадпрымальнік, уладальнік фірмы “Радыё-таксі” Мікалай Аўтуховіч, а таксама некалькі дзесяткаў кіроўцаў таксовак фірмы ды іх прыхільнікі. Галадоўка адбывалася на знак пратэсту супраць дзеяньняў падатковай інспэкцыі, якая наклала на Аўтуховіча штраф у памеры 140 тысячаў даляраў і, не дачакаўшыся выплаты, сканфіскавала 13 аўтамабіляў “Радыё-таксі”. Канкрэтным патрабаваньнем галадоўшчыкаў было зьняцьцё забароны на эксплюатацыю грузавых машынаў фірмы “Ніка-Транс”, зьвязанай з “Радыё-таксі”. Гэтая мэта была дасягнутая.
