Прамаўляючы ў часе адкрыцьця канфэрэнцыі ад імя запрашаючага боку – польскага ўраду, намесьнік міністра замежных справаў Польшчы Пятро Сьвітальскі заявіў, што дэмакратычныя перамены ва Ўкраіне, Грузіі й Кіргізстане пацьвердзілі слушнасьць ідэяў і прынцыпаў АБСЭ, а таксама сьведчаць аб няслушнасьці сьцьвярджэньня, што на постсавецкай прасторы ёсьць толькі адзін цэнтар уплыву, да якога цягнуцца ўсе краіны рэгіёну.
(Сьвітальскі: ) “Мы вельмі шчасьлівыя і задаволеныя трыюмфам дэмакратыі й закону ва Ўкраіне і адначасова вельмі занепакоеныя адсутнасьцю гэтых каштоўнасьцяў у іншага нашага суседа – Беларусі.
Апошнія падзеі ў гэтай краіне паказваюць, што ўзмоцнены перасьлед грамадзянскай супольнасьці, здушэньне апазыцыі і вольных мэдыяў працягваюцца. Мы рашуча асуджаем, сярод іншага, апошнія захады беларускіх уладаў супраць Саюзу палякаў Беларусі і ўмяшальніцтва дзяржаўных структураў у справы недзяржаўных арганізацыяў...
Пашырэньне каштоўнасьцяў свабоды і годнасьці немагчыма спыніць. Свабода, гэта справа часу, хаця, канечне, сама яна не прыйдзе”.
Спадар Сьвітальскі выказаў спадзяваньне, што праблема Беларусі будзе адкрыта і шчыра абмеркаваная ў часе канфэрэнцыі. Ягоную пазыцыю падтрымаў і афіцыйны прадстаўнік Кіргізстану, які прамаўляў пазьней. Між тым на выступ польскага міністра адразу адрэагавалі прадстаўнікі афіцыйнай беларускай дэлегацыі. Адзін зь іх, супрацоўнік МЗС Дзяніс Сідарэнка заявіў:
(Сідарэнка: ) “Проста дзіўна, як Польшча спрабуе ўласныя захады прадставіць на міжнародным узроўні, як парушэньне Беларусьсю абавязацельстваў АБСЭ. Гэта не Беларусь, а Польшча ўмяшалася ў дзейнасьць Саюзу палякаў Беларусі, інсьпіравала канфлікт у кіраўніцтве гэтай арганізацыі і маніпулявала правядзеньнем зьезду СПБ, парушаючы заканадаўства і статут”, – заявіў афіцыйны прадстаўнік Беларусі.
Штогадовая канфэрэнцыя АБСЭ, прысьвечаная “чалавечаму вымярэньню”, гэта хутчэй абмен думкамі й поглядамі на розныя надзённыя праблемы, а ня месца, дзе прымаюцца канкрэтныя радыкальныя рашэньні, але інфармацыя, якую атрымліваюць удзельнікі форуму, нярэдка мае вялікі ўплыў на далейшую дзейнасьць АБСЭ. Пашырыць сярод удзельнікаў канфэрэнцыі інфармацыю аб тым, што адбываецца ў Беларусі, гэта галоўная мэта і прадстаўнікоў беларускіх недзяржаўных арганізацыяў, што бяруць удзел у варшаўскім форуме.
Гаворыць прадстаўнік арганізацыі “Хэльсынкі ХХІ” Барыс Звозскаў:
(Звозскаў: ) “Перадусім гэта пашырэньне інфармацыі, праўдзівай інфармацыі ад праваабаронца, бо дзяржаўная дэлегацыя перадусім адстойвае дзяржаўны пункт гледжаньня. Мы таксама абменьваемся інфармацыяй і шукаем партнэраў для супрацоўніцтва – гэта асноўныя моманты”.
У канфэрэнцыі АБСЭ, якая працягнецца да 30 верасьня, у тыя дні, калі будуць абмяркоўвацца актуальныя для Беларусі праблемы – свабода слова, парушэньні правоў чалавека, выбары, возьмуць удзел таксама прадстаўнікі Беларускай асацыяцыі журналістаў, Беларускага хэльсынскага камітэту ды іншых недзяржаўных арганізацыяў.
(Сьвітальскі: ) “Мы вельмі шчасьлівыя і задаволеныя трыюмфам дэмакратыі й закону ва Ўкраіне і адначасова вельмі занепакоеныя адсутнасьцю гэтых каштоўнасьцяў у іншага нашага суседа – Беларусі.
Апошнія падзеі ў гэтай краіне паказваюць, што ўзмоцнены перасьлед грамадзянскай супольнасьці, здушэньне апазыцыі і вольных мэдыяў працягваюцца. Мы рашуча асуджаем, сярод іншага, апошнія захады беларускіх уладаў супраць Саюзу палякаў Беларусі і ўмяшальніцтва дзяржаўных структураў у справы недзяржаўных арганізацыяў...
Пашырэньне каштоўнасьцяў свабоды і годнасьці немагчыма спыніць. Свабода, гэта справа часу, хаця, канечне, сама яна не прыйдзе”.
Спадар Сьвітальскі выказаў спадзяваньне, што праблема Беларусі будзе адкрыта і шчыра абмеркаваная ў часе канфэрэнцыі. Ягоную пазыцыю падтрымаў і афіцыйны прадстаўнік Кіргізстану, які прамаўляў пазьней. Між тым на выступ польскага міністра адразу адрэагавалі прадстаўнікі афіцыйнай беларускай дэлегацыі. Адзін зь іх, супрацоўнік МЗС Дзяніс Сідарэнка заявіў:
(Сідарэнка: ) “Проста дзіўна, як Польшча спрабуе ўласныя захады прадставіць на міжнародным узроўні, як парушэньне Беларусьсю абавязацельстваў АБСЭ. Гэта не Беларусь, а Польшча ўмяшалася ў дзейнасьць Саюзу палякаў Беларусі, інсьпіравала канфлікт у кіраўніцтве гэтай арганізацыі і маніпулявала правядзеньнем зьезду СПБ, парушаючы заканадаўства і статут”, – заявіў афіцыйны прадстаўнік Беларусі.
Штогадовая канфэрэнцыя АБСЭ, прысьвечаная “чалавечаму вымярэньню”, гэта хутчэй абмен думкамі й поглядамі на розныя надзённыя праблемы, а ня месца, дзе прымаюцца канкрэтныя радыкальныя рашэньні, але інфармацыя, якую атрымліваюць удзельнікі форуму, нярэдка мае вялікі ўплыў на далейшую дзейнасьць АБСЭ. Пашырыць сярод удзельнікаў канфэрэнцыі інфармацыю аб тым, што адбываецца ў Беларусі, гэта галоўная мэта і прадстаўнікоў беларускіх недзяржаўных арганізацыяў, што бяруць удзел у варшаўскім форуме.
Гаворыць прадстаўнік арганізацыі “Хэльсынкі ХХІ” Барыс Звозскаў:
(Звозскаў: ) “Перадусім гэта пашырэньне інфармацыі, праўдзівай інфармацыі ад праваабаронца, бо дзяржаўная дэлегацыя перадусім адстойвае дзяржаўны пункт гледжаньня. Мы таксама абменьваемся інфармацыяй і шукаем партнэраў для супрацоўніцтва – гэта асноўныя моманты”.
У канфэрэнцыі АБСЭ, якая працягнецца да 30 верасьня, у тыя дні, калі будуць абмяркоўвацца актуальныя для Беларусі праблемы – свабода слова, парушэньні правоў чалавека, выбары, возьмуць удзел таксама прадстаўнікі Беларускай асацыяцыі журналістаў, Беларускага хэльсынскага камітэту ды іншых недзяржаўных арганізацыяў.