Заяву ў міліцыю на Івана Романа напісаў кіраўнік аховы заводу аўтаагрэгатаў Уладзімір Малаткоў. Маўляў, 23 жніўня той распаўсюджваў сярод рабочых бюлетэнь незарэгістраванага прафсаюзу РЭПАМ — радыёэлектроннай прамысловасьці, аўтамабілебудаваньня і мэталаапрацоўкі. Іван Роман зазначае, што ў яго была з сабой толькі газэта “Салідарнасьць”, а па-другое, ён належыць да прафсаюзу радыёэлектроннай прамысловасьці — РЭП, а РЭПАМ сапраўды летась быў зьліквідаваны. На суд у Горадню прыяжджаў старшыня РЭПу Генадзь Фядыніч.
(Фядыніч:) “Я хачу сказаць, што каб існавала кніга Гінэса абсурдаў, то гэтая заява магла б там апынуцца. Таму што Роман дзейнічае тут як сябра прафсаюзу радыёэлектроннай прамысловасьці, прафсаюз зарэгістраваны, мае статут і пасьведчаньне аб рэгістрацыі”.
Напачатку паседжаньня прадстаўнік Ленінскага райаддзелу міліцыі папрасіў судзьдзю Натальлю Козел адкласьці разгляд справы, бо адсутнічала адна сьведка — ахоўніца з заводу аўтаагрэгатаў. Наступным разам суд зьбярэцца 20 верасьня.
(Фядыніч:) “Я хачу сказаць, што каб існавала кніга Гінэса абсурдаў, то гэтая заява магла б там апынуцца. Таму што Роман дзейнічае тут як сябра прафсаюзу радыёэлектроннай прамысловасьці, прафсаюз зарэгістраваны, мае статут і пасьведчаньне аб рэгістрацыі”.
Напачатку паседжаньня прадстаўнік Ленінскага райаддзелу міліцыі папрасіў судзьдзю Натальлю Козел адкласьці разгляд справы, бо адсутнічала адна сьведка — ахоўніца з заводу аўтаагрэгатаў. Наступным разам суд зьбярэцца 20 верасьня.
