Цягам апошніх дзён ва Ўкраіне на адрас сябраў ураду гучалі абвінавачаньні ў карупцыі, якія і паклалі пачатак пераменам ва ўкраінскім кіраўніцтве. Былы дзяржсакратар Аляксандар Зінчанка зьвінаваціў у карупцыі сакратара Савету нацыянальнай бясьпекі і абароны Пятра Парашэнку, першага памочніка прэзыдэнта Аляксандра Трацякова і лідэра парлямэнцкай фракцыі “Наша Ўкраіна” Міколу Мартыненку. Прызначана спэцыяльная камісія, якая правядзе адмысловае расьсьледаваньне. Спадар Трацякоў адхілены ад сваёй пасады, адпраўлены ў адстаўку сакратар Савету нацыянальнай бясьпекі і абароны Пятро Парашэнка. Такім чынам, ужо няма падставаў казаць пра былое адзінства лідэраў “аранжавай” рэвалюцыі.
Дэпутат Палаты прадстаўнікоў Вольга Абрамава лічыць, што цяперашняя адстаўка Юліі Цімашэнкі была чаканай і цяпер тая пяройдзе ў жорсткую апазыцыю да Віктара Юшчанкі.
(Абрамава: ) “Два мядзьведзі ў адным бярлогу не ўжываюцца. Абодва палітыкі дастаткова моцныя, і пытаньне іх процістаяньня не завершанае. Ён яшчэ будзе мець працяг у іншай плоскасьці”.
Спадарыня Абрамава лічыць, што задачы, якія ставіліся аранжавай рэвалюцыяй, у доўгатэрміновай пэрспэктыве ўсё ж будуць выкананы. Гадоў празь пятнаццаць Украіна будзе ў Эўрапейскім зьвязе.
Дэпутат Палаты прадстаўнікоў Васіль Хрол станоўча ацаніў адстаўку ўраду Цімашэнкі. Ён лічыць гэта толькі пачаткам крызісу ва Ўкраіне.
(Хрол: ) “Калі прэзыдэнт і прэм’ер-міністар краіны не знаходзяць паразуменьня, і органы ўлады разрываюць краіну на часткі, ідзе перадзел уласнасьці, да добрых эканамічных наступстваў гэта не прыводзіць. Гэта будзе цудоўна, калі ў выніку Януковіч ачоліць урад Украіны. Такім чынам адбылося б прымірэньне “аранжавых” і “чырвоных”, і Ўкраіна пайшла б наперад у эканамічным разьвіцьці”.
Паводле міжнароднага каардынатара “Хартыі-97”, былога намесьніка міністра замежных справаў Беларусі Андрэя Саньнікава, адстаўка ўраду Юліі Цімашэнкі пасьля папрокаў у пэўных праліках не азначае паразы рэвалюцыі — наадварот, гэта сьведчаньне дэмакратычных пераменаў.
(Саньнікаў: ) “Складанае становішча, сытуацыя, але ж гэта працуе на карысьць дэмакратыі. Ніхто з тых, хто вінаваціў у пэўных праліках урад, ніхто не вінаваціў самога прэзыдэнта. Ён зьяўляецца аўтарытэтам, ён гэты аўтарытэт цяпер выкарыстаў. Так, гэта было яму складана, таму што гэта яго паплечнікі, але, я думаю, што гэта ня слабасьць, а менавіта моц улады”.
Паводле былога старшыні Вярхоўнага Савету Беларусі Станіслава Шушкевіча, у шэрагах дэмакратаў ніколі не бывае адзінства. Спадар Шушкевіч добра ведае Юрыя Еханурава.
(Шушкевіч: ) “Гэта той чалавек, які патрэбны цяпер Юшчанку, каб працягваць справы аранжавай рэвалюцыі. Я не падзяляю радаснага падыходу ў расейскіх мэдыях — што адсунулі Юлію. Мне здаецца, гэта ўнутраныя справы Ўкраіны, яны там разумеюць, як лепш працягваць справу. Я веру ў Юшчанку”.
Дэпутат Палаты прадстаўнікоў Вольга Абрамава лічыць, што цяперашняя адстаўка Юліі Цімашэнкі была чаканай і цяпер тая пяройдзе ў жорсткую апазыцыю да Віктара Юшчанкі.
(Абрамава: ) “Два мядзьведзі ў адным бярлогу не ўжываюцца. Абодва палітыкі дастаткова моцныя, і пытаньне іх процістаяньня не завершанае. Ён яшчэ будзе мець працяг у іншай плоскасьці”.
Спадарыня Абрамава лічыць, што задачы, якія ставіліся аранжавай рэвалюцыяй, у доўгатэрміновай пэрспэктыве ўсё ж будуць выкананы. Гадоў празь пятнаццаць Украіна будзе ў Эўрапейскім зьвязе.
Дэпутат Палаты прадстаўнікоў Васіль Хрол станоўча ацаніў адстаўку ўраду Цімашэнкі. Ён лічыць гэта толькі пачаткам крызісу ва Ўкраіне.
(Хрол: ) “Калі прэзыдэнт і прэм’ер-міністар краіны не знаходзяць паразуменьня, і органы ўлады разрываюць краіну на часткі, ідзе перадзел уласнасьці, да добрых эканамічных наступстваў гэта не прыводзіць. Гэта будзе цудоўна, калі ў выніку Януковіч ачоліць урад Украіны. Такім чынам адбылося б прымірэньне “аранжавых” і “чырвоных”, і Ўкраіна пайшла б наперад у эканамічным разьвіцьці”.
Паводле міжнароднага каардынатара “Хартыі-97”, былога намесьніка міністра замежных справаў Беларусі Андрэя Саньнікава, адстаўка ўраду Юліі Цімашэнкі пасьля папрокаў у пэўных праліках не азначае паразы рэвалюцыі — наадварот, гэта сьведчаньне дэмакратычных пераменаў.
(Саньнікаў: ) “Складанае становішча, сытуацыя, але ж гэта працуе на карысьць дэмакратыі. Ніхто з тых, хто вінаваціў у пэўных праліках урад, ніхто не вінаваціў самога прэзыдэнта. Ён зьяўляецца аўтарытэтам, ён гэты аўтарытэт цяпер выкарыстаў. Так, гэта было яму складана, таму што гэта яго паплечнікі, але, я думаю, што гэта ня слабасьць, а менавіта моц улады”.
Паводле былога старшыні Вярхоўнага Савету Беларусі Станіслава Шушкевіча, у шэрагах дэмакратаў ніколі не бывае адзінства. Спадар Шушкевіч добра ведае Юрыя Еханурава.
(Шушкевіч: ) “Гэта той чалавек, які патрэбны цяпер Юшчанку, каб працягваць справы аранжавай рэвалюцыі. Я не падзяляю радаснага падыходу ў расейскіх мэдыях — што адсунулі Юлію. Мне здаецца, гэта ўнутраныя справы Ўкраіны, яны там разумеюць, як лепш працягваць справу. Я веру ў Юшчанку”.
