НОВЫ АРЛЕАН. Афіцыйна паведамляецца, што тры чалавекі памерлі ад інфэкцыі, якая пашыраецца ў затопленым на мінулым тыдні горадзе ў выніку ўрагану “Катрына”. Паколькі заставацца ў горадзе небясьпечна для здароўя, мэр Новага Арлеану Рэй Нэйджын загадаў прымусова высяляць усіх, хто дагэтуль адмаўляецца пакінуць горад. Паводле некаторых дадзеных, такіх людзей у горадзе ня меней як 10 тысячаў. Колькасьць загіблых можа скласьці шмат тысячаў людзей.