Суд над Садамам Хусэйнам распачнецца 19 кастрычніка, праз чатыры дні пасьля заплянаванага рэфэрэндуму па прыняцьці Канстытуцыі Іраку, праз два з паловай гады пасьля ўварваньня сілаў кааліцыі ў Ірак.
Урадавыя чыноўнікі рыхтавалі працэс цягам месяцаў і цяпер хочуць правесьці аб''ектыўны, але хуткі працэс.
Гаворыць часовы прэм''ер-міністар Іраку Ібрагім ад-Джафары.
(Ад-Джафары: ) "Мы – за адэкватны судовы працэс. Судовая ўлада незалежная ад выканаўчай і заканадаўчай. Але ўсе галіны ўлады – выканаўчая, заканадаўчая й судовая, мусяць разумець, што яны атрымалі паўнамоцтвы ад іракцаў. Закон мусіць выконвацца, і мы давядзем судовай уладзе, каб працэс быў хуткім, а вырак справядлівым”.
Сьледзтва грунтуецца на адным эпізодзе – масавым забойстве сіламі бясьпекі 143 мужчын і юнакоў у правінцыі Дуджаіл і зьмяшчэньне ў турму яшчэ 1500 жыхароў правінцыі, у якой 8 ліпеня 1982 году на Хусэйна быў зьдзейсьнены няўдалы замах.
68-гадовы Садам Хусэйн, захоплены амэрыканскімі войскамі ў сьнежні 2003 году, можа быць пакараны сьмерцю, калі яго віну давядуць у судзе.
Працэс датычыць і 7-мі ягоных паплечнікаў, у тым ліку Барзана Ібрагіма, адзінакроўнага брата Хусэйна й былога чыноўніка службы бясьпекі ды Тага Ясіна, віцэ-старшыні Рэвалюцыйнай Рады партыі Баас. Чатыры іншыя падсудныя – функцыянэры Баас, адказныя за правінцыю Дуджаіл.
У ліпені прадстаўнікі ўраду Іраку заявілі, што могуць прад''явіць больш за 500 абвінавачаньняў былому дыктатару, але гэта толькі зацягне працэс. Сьпіс абвінавачаньняў уключае масавыя забойствы курдаў пасьля іхнага паўстаньня напрыканцы 1980-х, масавыя забойствы шыітаў пасьля іхнага паўстаньня ў 1991 году, напад на Кувэйт у 1990-м, забойствы палітычных апанэнтаў.
Працэс над Хусэйнам будзе няпростым. Адзін з адвакатаў Хусэйна заявіў, што ў ліпені ў памяшканьні суда на ягонага падабароннага напаў невядомы мужчына, на што судзьдзя ніяк не адрэагаваў. Судзьдзя адпрэчвае абвінавачаньні. Сілы бясьпекі, якія будуць ахоўваць суд, вымушаныя апасацца нападаў як праціўнікаў, гэтак і прыхільнікаў Садама Хусэйна.
Урадавыя чыноўнікі рыхтавалі працэс цягам месяцаў і цяпер хочуць правесьці аб''ектыўны, але хуткі працэс.
Гаворыць часовы прэм''ер-міністар Іраку Ібрагім ад-Джафары.
(Ад-Джафары: ) "Мы – за адэкватны судовы працэс. Судовая ўлада незалежная ад выканаўчай і заканадаўчай. Але ўсе галіны ўлады – выканаўчая, заканадаўчая й судовая, мусяць разумець, што яны атрымалі паўнамоцтвы ад іракцаў. Закон мусіць выконвацца, і мы давядзем судовай уладзе, каб працэс быў хуткім, а вырак справядлівым”.
Сьледзтва грунтуецца на адным эпізодзе – масавым забойстве сіламі бясьпекі 143 мужчын і юнакоў у правінцыі Дуджаіл і зьмяшчэньне ў турму яшчэ 1500 жыхароў правінцыі, у якой 8 ліпеня 1982 году на Хусэйна быў зьдзейсьнены няўдалы замах.
68-гадовы Садам Хусэйн, захоплены амэрыканскімі войскамі ў сьнежні 2003 году, можа быць пакараны сьмерцю, калі яго віну давядуць у судзе.
Працэс датычыць і 7-мі ягоных паплечнікаў, у тым ліку Барзана Ібрагіма, адзінакроўнага брата Хусэйна й былога чыноўніка службы бясьпекі ды Тага Ясіна, віцэ-старшыні Рэвалюцыйнай Рады партыі Баас. Чатыры іншыя падсудныя – функцыянэры Баас, адказныя за правінцыю Дуджаіл.
У ліпені прадстаўнікі ўраду Іраку заявілі, што могуць прад''явіць больш за 500 абвінавачаньняў былому дыктатару, але гэта толькі зацягне працэс. Сьпіс абвінавачаньняў уключае масавыя забойствы курдаў пасьля іхнага паўстаньня напрыканцы 1980-х, масавыя забойствы шыітаў пасьля іхнага паўстаньня ў 1991 году, напад на Кувэйт у 1990-м, забойствы палітычных апанэнтаў.
Працэс над Хусэйнам будзе няпростым. Адзін з адвакатаў Хусэйна заявіў, што ў ліпені ў памяшканьні суда на ягонага падабароннага напаў невядомы мужчына, на што судзьдзя ніяк не адрэагаваў. Судзьдзя адпрэчвае абвінавачаньні. Сілы бясьпекі, якія будуць ахоўваць суд, вымушаныя апасацца нападаў як праціўнікаў, гэтак і прыхільнікаў Садама Хусэйна.
