БЕСЛАН. Сёньня спаўняецца першая гадавіна трагедыі ў Беслане. Тысячы людзей прыехалі, каб прыняць удзел у жалобе. Год назад узброеныя чачэнскія ваеўнікі ўзялі ў закладнікі больш за 1100 дзяцей, настаўнікаў і бацькоў у бесланскай школе. 3 верасьня фэдэральныя войскі з прымяненьнем агнямётаў штурмавалі будынак. Больш за 330 чалавек, бальшынёю дзеці, былі забітыя. Мацяркі ахвяраў вінавацяць ня толькі тэрарыстаў, але й расейскія улады ў вялікай колькасьць ахвяраў.