КІЕЎ. У Кіеве на месцы будаўніцтва сабору Ўваскрэсеньня Хрыстовага адбылася ўрачыстая літургія ў гонар пачатку знаходжаньня ва ўкраінскай сталіцы кіраўніка грэка-каталіцкай царквы кардынала Любаміра Гузара. Побач некалькі сотняў праваслаўных вернікаў і прадстаўнікі шэрагу палітычных партыяў правялі акцыю пратэсту. Яны лічаць перанос рэзыдэнцыі з Львову ў Кіеў экспансіяй каталіцызму. Разам з тым, кіраўнік Украінскай праваслаўнай царквы Кіеўскага патрыярхату Філарэт заявіў, што гэта – нутраная справа грэка-каталіцкай царквы.