Аляксандр Лукашэнка вырашыў павялічыць колькасьць месцаў на Рэспубліканскай дошцы гонару з 36 да 39. Тры новых месцы прызначаны для прадстаўнікоў арганізацыяў сфэры навукі. Гаворыць начальнік упраўленьня навукова-арганізацыйнай і інфармацыйна-аналітычнай працы Нацыянальнай акадэміі навук Мікалай Касьцюковіч:
(Касьцюковіч: ) “Указ просты. Там ёсьць спасылкі на палажэньне пра Рэспубліканскую дошку гонару. Зараз і арганізацыі сфэры навукі таксама могуць адзначацца і быць занесеныя на Рэспубліканскую дошку гонару. Яна ж даўно існуе. Каля Выстаўкі дасягненьняў”.
Нагадаю, афіцыйнае адкрыцьцё Дошкі гонару адбылося ў 2000 годзе. Яна месьціцца ў Менску на вуліцы Янкі Купалы. Як лічаць назіральнікі, гэты атрыбут камуністычнай эпохі Лукашэнка вярнуў, кіруючыся палітычнай мэтай.
Права ганараваньня, паводле штогадовых прэзыдэнцкіх указаў, атрымліваюць перадавікі так званага спаборніцтва ў сацыяльна-эканамічнай сфэры. Гэта лічыцца грамадзкім прызнаньнем і маральным заахвочаньнем іх плённай працы.
Чаму да ранейшага сьпісу цяпер вырашана далучыць і навукоўцаў, выказвае меркаваньне вядомы палітык і навуковец прафэсар Юры Хадыка:
(Хадыка: ) “Лукашэнка апошнім часам робіць ліхаманкавыя спробы падняць свой імідж у вачах розных сацыяльных слаёў нашага насельніцтва. У асяродзьдзі навукоўцаў ён карыстаецца невялікаю падтрымкай, таму гэта ёсьць спробай падкупіць нашых навукоўцаў. Але я ня думаю, што яна будзе ўдалай. Таму што навука ў нас перажывае крызыс, цяжкі крызыс, які не зводзіцца толькі да недахопу фінансаваньня, але і да недахопу аўтарытэту тых людзей, што фармальна стаяць на чале навуковых калектываў”.
У сёньняшнім указе Лукашэнка вызначыў, што ганараваць будуць перадавікоў, якія засьведчаць добрыя вынікі ў навуковай, навукова-тэхнічнай і навукова-інавацыйнай дзейнасьці. Між тым, паводле незалежных экспэртаў, гэтых якасьцяў недастаткова, каб патрапіць на Рэспубліканскую дошку гонару. Як і ў савецкі час, так і цяпер ганараваньне мае выразную ідэалягічную афарбоўку. Гаворыць адзін зь лідэраў прафсаюзу радыёэлектроннай прамысловасьці Аляксандр Бухвостаў:
(Бухвостаў: ) “Будуць прадстаўляць на дошку гонару толькі тых, хто падтрымлівае прэзыдэнта. Калі заўтра нехта патрапіць на Дошку гонару і потым высьветліцца, што там ёсьць лідэр апазыцыі альбо чалавек, які мае сваё меркаваньне, можна не сумнявацца, што пасьля гэтага будзе разбурана кар''ера тых, хто прадстаўляў на Дошку гонару”.
(Касьцюковіч: ) “Указ просты. Там ёсьць спасылкі на палажэньне пра Рэспубліканскую дошку гонару. Зараз і арганізацыі сфэры навукі таксама могуць адзначацца і быць занесеныя на Рэспубліканскую дошку гонару. Яна ж даўно існуе. Каля Выстаўкі дасягненьняў”.
Нагадаю, афіцыйнае адкрыцьцё Дошкі гонару адбылося ў 2000 годзе. Яна месьціцца ў Менску на вуліцы Янкі Купалы. Як лічаць назіральнікі, гэты атрыбут камуністычнай эпохі Лукашэнка вярнуў, кіруючыся палітычнай мэтай.
Права ганараваньня, паводле штогадовых прэзыдэнцкіх указаў, атрымліваюць перадавікі так званага спаборніцтва ў сацыяльна-эканамічнай сфэры. Гэта лічыцца грамадзкім прызнаньнем і маральным заахвочаньнем іх плённай працы.
Чаму да ранейшага сьпісу цяпер вырашана далучыць і навукоўцаў, выказвае меркаваньне вядомы палітык і навуковец прафэсар Юры Хадыка:
(Хадыка: ) “Лукашэнка апошнім часам робіць ліхаманкавыя спробы падняць свой імідж у вачах розных сацыяльных слаёў нашага насельніцтва. У асяродзьдзі навукоўцаў ён карыстаецца невялікаю падтрымкай, таму гэта ёсьць спробай падкупіць нашых навукоўцаў. Але я ня думаю, што яна будзе ўдалай. Таму што навука ў нас перажывае крызыс, цяжкі крызыс, які не зводзіцца толькі да недахопу фінансаваньня, але і да недахопу аўтарытэту тых людзей, што фармальна стаяць на чале навуковых калектываў”.
У сёньняшнім указе Лукашэнка вызначыў, што ганараваць будуць перадавікоў, якія засьведчаць добрыя вынікі ў навуковай, навукова-тэхнічнай і навукова-інавацыйнай дзейнасьці. Між тым, паводле незалежных экспэртаў, гэтых якасьцяў недастаткова, каб патрапіць на Рэспубліканскую дошку гонару. Як і ў савецкі час, так і цяпер ганараваньне мае выразную ідэалягічную афарбоўку. Гаворыць адзін зь лідэраў прафсаюзу радыёэлектроннай прамысловасьці Аляксандр Бухвостаў:
(Бухвостаў: ) “Будуць прадстаўляць на дошку гонару толькі тых, хто падтрымлівае прэзыдэнта. Калі заўтра нехта патрапіць на Дошку гонару і потым высьветліцца, што там ёсьць лідэр апазыцыі альбо чалавек, які мае сваё меркаваньне, можна не сумнявацца, што пасьля гэтага будзе разбурана кар''ера тых, хто прадстаўляў на Дошку гонару”.