КАБУЛ. На поўдні Аўганістану ў правінцыі Забуль у часе сумеснай апэрацыі амэрыканскіх і аўганскіх вайскоўцаў забітыя 8 талібаў, яшчэ тры – затрыманыя. Губэрнатар правінцыі паведаміў, што стратаў сярод вайскоўцаў няма. Апошнім часам у Аўганістане сталі часьцей здарацца напады талібаў, якія спрабуюць сарваць правядзеньне прызначаных на 18 верасьня парлямэнцкіх выбараў. Учора ў горадзе Мазары-Шарыф невядомы страляў па аднаму зь мясцовых кандыдатаў. Ён не пацярпеў. Нападнік затрыманы.