Сын апазыцыйнага палітыка Мікалай ня бачыў бацьку больш за паўгода. Яго маці гаворыць, што ён на нейкі час нават разгубіўся, паколькі ніколі ня бачыў бацьку такім сьхуднелым. За два з паловай месяцы знаходжаньня за кратамі былы дэпутат згубіў аж 30 кг. (Падрабязнасьці)
Уладзімер Глод, Менск Жонка і сын вядомага апазыцыйнага палітыка – кіраўніка дэпутацкай групы "Рэспубліка" ў Палаце прадстаўнікоў папярэдняга скліканьня Сяргея Скрабца сёньня наведалі так званую "Валадарку" – сьледчы ізалятар часовага ўтрыманьня ў Менску на вуліцы Валадарскага, куды экс-парлямэнтара перавезьлі зь Берасьця. Ім дазволілі перадаць вязьню ежу і кнігі. А вось аддаць свежыя газэты, якія яны захапілі з сабою для былога дэпутата, не дазволілі.
Самае папулярнае
1
