Аб’ём пасажыраабарачэньня ў першым паўгодзьдзі сёлета агулам падвысіўся ўсяго на 0,1%, канстатуе начальнік Беларускай чыгункі. І хоць адкрываліся новыя чыгуначныя маршруты і рабіліся іншыя захады, каб завабіць падарожнікаў, болей цягнікамі беларусы езьдзіць ня сталі.
Кошт квіткоў на цягнікі ў Беларусі параўнальна невысокі. За 10-12 тысячаў рублёў чыгункай можна, напрыклад, дабрацца ад Менску да любога з абласных цэнтраў – у агульным вагоне.
За тыя ж грошы ў сталіцы можна ўзяць таксоўку й даехаць ад вакзала да мікрараёнаў Сухарава ці Ўручча. Адпаведна, больш прыбытковымі пасажыраперавозкі на чыгунцы ўнутры Беларусі ня сталі.
Са словаў Уладзімер Жэрэло, пасажыры аплачваюць толькі 39% ад рэальнага кошту квітка. Тарыфы ж на праезд у цягніках вызначае Міністэрства эканомікі, ня самі транспартнікі. Таму, кажа начальнік Беларускай чыгункі, падтрымліваць гаспадарку ў належным стане выпадае за кошт іншых прыбыткаў.
(Жэрэло: ) "Стратныя перавозкі, на жаль, пакрываюцца за кошт перакрыжаванага субсідаваньня. Міжнародныя перавозкі маюць рэнтабэльнасьць, як пасажырскія, гэтак і грузавыя. І плюс грузавыя перавозкі на ўвоз і вываз. Гэтая цана пакрывае стратнасьць унутраных нашых перавозак".
Агульная рэнтабэльнасьць Беларускай чыгункі, са словаў спадара Жэрэло, складае на сёньня 18,5%.
Людзі, зь якімі я пагутарыла на менскім чыгуначным вакзале, лічаць кошты на квіткі ў цягніках нармальнымі. Калі б іх падвысілі дзеля эканамічнай справядлівасьці, пасажыраў гэта не задаволіла б.
(Спадарыня: ) "Абурыліся б, канечне ж. Квіткі на аўтобусы-тралейбусы падаражэлі, людзі ўсе абураюцца".
(Дзяўчына: ) "Я б не сказала, што цэны такія ўжо нізкія. Канечне, яны невысокія, але цалкам дастаткова".
(Хлопец: ) "Калі падвысяць заробак, то няхай падвышаюць і цэны".
(Іншая дзяўчына: ) "З аднаго боку прыймальныя, але для нас гэта задорага".
(Іншы хлопец: ) "Цэны падвышаць ня варта".
(Жанчына: ) "Праязны білет на месяц, нават трэцяя зона, я на Пціч ежджу, каштуе 23 тысячы. У адносінах да майго заробку гэта практычна 10 працэнтаў, гэта вельмі шмат".
(Дзяўчына: ) "Шмат моладзі, калі паглядзець, езьдзяць зайцам. Для некаторых гэта можа й дорага нават".
Кошт квіткоў на цягнікі ў Беларусі параўнальна невысокі. За 10-12 тысячаў рублёў чыгункай можна, напрыклад, дабрацца ад Менску да любога з абласных цэнтраў – у агульным вагоне.
За тыя ж грошы ў сталіцы можна ўзяць таксоўку й даехаць ад вакзала да мікрараёнаў Сухарава ці Ўручча. Адпаведна, больш прыбытковымі пасажыраперавозкі на чыгунцы ўнутры Беларусі ня сталі.
Са словаў Уладзімер Жэрэло, пасажыры аплачваюць толькі 39% ад рэальнага кошту квітка. Тарыфы ж на праезд у цягніках вызначае Міністэрства эканомікі, ня самі транспартнікі. Таму, кажа начальнік Беларускай чыгункі, падтрымліваць гаспадарку ў належным стане выпадае за кошт іншых прыбыткаў.
(Жэрэло: ) "Стратныя перавозкі, на жаль, пакрываюцца за кошт перакрыжаванага субсідаваньня. Міжнародныя перавозкі маюць рэнтабэльнасьць, як пасажырскія, гэтак і грузавыя. І плюс грузавыя перавозкі на ўвоз і вываз. Гэтая цана пакрывае стратнасьць унутраных нашых перавозак".
Агульная рэнтабэльнасьць Беларускай чыгункі, са словаў спадара Жэрэло, складае на сёньня 18,5%.
Людзі, зь якімі я пагутарыла на менскім чыгуначным вакзале, лічаць кошты на квіткі ў цягніках нармальнымі. Калі б іх падвысілі дзеля эканамічнай справядлівасьці, пасажыраў гэта не задаволіла б.
(Спадарыня: ) "Абурыліся б, канечне ж. Квіткі на аўтобусы-тралейбусы падаражэлі, людзі ўсе абураюцца".
(Дзяўчына: ) "Я б не сказала, што цэны такія ўжо нізкія. Канечне, яны невысокія, але цалкам дастаткова".
(Хлопец: ) "Калі падвысяць заробак, то няхай падвышаюць і цэны".
(Іншая дзяўчына: ) "З аднаго боку прыймальныя, але для нас гэта задорага".
(Іншы хлопец: ) "Цэны падвышаць ня варта".
(Жанчына: ) "Праязны білет на месяц, нават трэцяя зона, я на Пціч ежджу, каштуе 23 тысячы. У адносінах да майго заробку гэта практычна 10 працэнтаў, гэта вельмі шмат".
(Дзяўчына: ) "Шмат моладзі, калі паглядзець, езьдзяць зайцам. Для некаторых гэта можа й дорага нават".
