МАСКВА. Міністар абароны Расеі Сяргей Іваноў заявіў, што амэрыканскі тэлеканал Эй-Бі-Сі пазбаўлены акрэдытацыі ў расейскім ваенным ведамстве пасьля таго, як даў эфір Шамілю Басаеву. У пятніцу ўрад ЗША заявіў, што ня мае ніякага дачыненьня да нядаўняй трансьляцыі інтэрвію з Шамілём Басаевым на Эй-Бі-Сі. Расейскія ўлады вышукваюць Басаева, якога абвінавацілі ў ажыцьцяўленьні дзесяткаў тэрактаў у Чачэніі і іншых рэгіёнах краіны.