На будаўніцтве новай бібліятэкі цяпер аўрал. Яшчэ не завершаны дах і няма галоўнага ўваходу, але ўжо зьявілася частка ягонага аздабленьня — каменнае пано ў выглядзе аркуша разгорнутай кнігі. На гэтай стылізаванай кніжнай старонцы — фрагмэнты старабеларускіх тэкстаў, а таксама надпісы на лаціне ды іншых мовах сьвету. На гэтым тле будзе ўсталяваны помнік Францішку Скарыну, паведаміў адмысловец у справе манумэнтаў Міністэрства культуры Вадзім Лукашык.
(Лукашык: ) “Скарына павінен стаяць каля бібліятэкі наперадзе зьлева. Помнік гатовы, і ўсе справы вырашаныя”.
Паводле спадара Лукашыка, помнік Францішку Скарыну будзе ўсталяваны да 1 верасьня. Але яшчэ і сёньня многія пытаньні ў аздабленьні манумэнту і будынку бібліятэкі нявырашаныя, паведаміў “Свабодзе” кіраўнік мастацкай рады Іван Місько.
(Місько: ) “За гэты кароткі час будзе вызначанае месца для ўстаноўкі помніка. А цяпер ідуць дэтальныя адпрацоўкі адносна назвы бібліятэкі, як падпісаць помнік Францішка Скарыны, які шрыфт павінен быць. Пра гэта яшчэ ідзе гаворка, і канчатковага рашэньня няма”.
Паводле спадара Місько, існуе некалькі варыянтаў надпісу на помніку, але якія менавіта — ён сказаць адмовіўся. Скульптура Францішка Скарыны, які трымае ў руках кнігу, разам з пастамэнтам складзе каля сямі мэтраў. Нагадаю, што помнік меліся ўсталяваць каля будынку Нацыянальнай Акадэміі навук яшчэ дзесяць гадоў таму. Але тады з пратэстам выступіла група навукоўцаў, і рэалізацыя праекту была прыпыненая. Цяперашняе зьяўленьне ў Менску помніка першадрукару кіраўнік Таварыства беларускай мовы імя Францішка Скарыны Алег Трусаў пракамэнтаваў гэтак:
(Трусаў: ) “Месца, магчыма, і ня самае ўдалае. Але лепш мець помнік, чым ня мець яго зусім. Таму ў цэлым я гэтую ідэю падтрымліваю, але вельмі шкадую, што гэта здарылася вельмі позна. І на маю думку, помнік у цэнтры Менску, каля Акадэміі навук, значна лепш, чым у тым месцы, дзе яго ставяць”.
Нагадаю, што паводле ранейшых плянаў, помнік Францішку Скарыну мусіў быць усталяваны на праспэкце, які носіць ягонае імя. Але гэты праспэкт сёлета ў траўні быў перайменаваны паводле ўказу Аляксандра Лукашэнкі. Цяпер бронзавая фігура Францішка Скарыны будзе стаяць на праспэкце Незалежнасьці.
(Лукашык: ) “Скарына павінен стаяць каля бібліятэкі наперадзе зьлева. Помнік гатовы, і ўсе справы вырашаныя”.
Паводле спадара Лукашыка, помнік Францішку Скарыну будзе ўсталяваны да 1 верасьня. Але яшчэ і сёньня многія пытаньні ў аздабленьні манумэнту і будынку бібліятэкі нявырашаныя, паведаміў “Свабодзе” кіраўнік мастацкай рады Іван Місько.
(Місько: ) “За гэты кароткі час будзе вызначанае месца для ўстаноўкі помніка. А цяпер ідуць дэтальныя адпрацоўкі адносна назвы бібліятэкі, як падпісаць помнік Францішка Скарыны, які шрыфт павінен быць. Пра гэта яшчэ ідзе гаворка, і канчатковага рашэньня няма”.
Паводле спадара Місько, існуе некалькі варыянтаў надпісу на помніку, але якія менавіта — ён сказаць адмовіўся. Скульптура Францішка Скарыны, які трымае ў руках кнігу, разам з пастамэнтам складзе каля сямі мэтраў. Нагадаю, што помнік меліся ўсталяваць каля будынку Нацыянальнай Акадэміі навук яшчэ дзесяць гадоў таму. Але тады з пратэстам выступіла група навукоўцаў, і рэалізацыя праекту была прыпыненая. Цяперашняе зьяўленьне ў Менску помніка першадрукару кіраўнік Таварыства беларускай мовы імя Францішка Скарыны Алег Трусаў пракамэнтаваў гэтак:
(Трусаў: ) “Месца, магчыма, і ня самае ўдалае. Але лепш мець помнік, чым ня мець яго зусім. Таму ў цэлым я гэтую ідэю падтрымліваю, але вельмі шкадую, што гэта здарылася вельмі позна. І на маю думку, помнік у цэнтры Менску, каля Акадэміі навук, значна лепш, чым у тым месцы, дзе яго ставяць”.
Нагадаю, што паводле ранейшых плянаў, помнік Францішку Скарыну мусіў быць усталяваны на праспэкце, які носіць ягонае імя. Але гэты праспэкт сёлета ў траўні быў перайменаваны паводле ўказу Аляксандра Лукашэнкі. Цяпер бронзавая фігура Францішка Скарыны будзе стаяць на праспэкце Незалежнасьці.
