Тры арганізацыі ўзялі на сябе адказнасьць за выбухі ў Эгіпце. Сёньня групоўка Эгіпецкія Муджагэдзіны праз Інтэрнэт заявіла пра далучанасьць да тэрактаў і пра тое, што аб''ектамі атакаў былі габрэйскія турысты. На сайце зьмешчаныя імёны пяці асобаў, якія нібыта загінулі ў часе выбухаў.
Раней, зьвязаная з Аль-Кайдай арганізацыя і дагэтуль невядомая групоўка, узялі адказнасьць за выбухі ў Шарм-эш-Шэйху на сябе. Тым часам паліцыя сканцантраваная на пошуках шасьці пакістанцаў, якія зьніклі з гатэлю ў Шарм-эш-Шэйху і пакінулі свае пашпарты ў рэгістратуры.
Паліцыя распаўсюджвае фотаздымкі гэтых асобаў. Карэспандэнт інфармацыйнай агенцыі "Associated Press", які бачыў гэтыя здымкі, гаворыць што згаданыя мужчыны – ва ўзросьце ад 20 да 30 гадоў.
Няясна дагэтуль, ці сапраўды яны мелі сувязь з атакамі. Таксама невядома, у якім гатэлі яны спыняліся.
Джэрэмі Біні працуе ў аналітычным агенцтве "Jane''s Intelligence", якая займаецца зборам палітычнай інфармацыі і інфармацыі, датычнай бясьпекі і выведкі. Ён гаворыць, што можа толькі здагадвацца, чаму адбыліся гэтыя атакі:
(Біні: ) "Людзі глядзелі на час, калі адбыліся напады і адзначалі, што яны прайшлі пасьля лёнданскіх. Магчыма гэта нешта кшталту контратакі супраць Захаду. Тое, што адбываецца цяпер, – падобна на ўсплёск гвалту, зьвязанага з Аль-Кайдай. У Шарм-эш-Шэйх едзе шмат багатых людзей – і зноўку там зьявіўся Пакістан".
Эгіпэцкія ўлады зрабілі вялікія захады для абароны бясьпекі рэгіёну і пошуку падазраваных. Але, як гаворыць Джэрэмі Біні, такія захады ня мелі эфэкту й раней, калі ў мінулым годзе адбыліся выбухі ў Табе.
Шарм-эш-Шэйх – адзін з самых вядомых курортаў Эгіпту, там праходзіў саміт ізраільскага і палестынскага лідэраў і многія замежнікі, у тым ліку ізраільцяне, праводзяць тут свае вакацыі.
Наступствы атакаў для мясцовай эканомікі зразумелыя і яны, выглядае, будуць моцнымі. 7 мільярдаў даляраў ад турыстычнай індустрыі ў Эгіпце адыгрываюць вялікую ролю ў эканоміцы краіны.
Іншыя гавораць, што мэты атакаў былі – дэстабілізаваць Эгіпет напярэдадні першых альтэрнатыўных прэзыдэнцкіх выбараў у Эгіпце, заплянаваных на 7-га верасьня. Эгіпет зьяўляецца саюзьнікам ЗША і атрымлівае значную фінансавую дапамогу ад Амэрыкі.
Раней, зьвязаная з Аль-Кайдай арганізацыя і дагэтуль невядомая групоўка, узялі адказнасьць за выбухі ў Шарм-эш-Шэйху на сябе. Тым часам паліцыя сканцантраваная на пошуках шасьці пакістанцаў, якія зьніклі з гатэлю ў Шарм-эш-Шэйху і пакінулі свае пашпарты ў рэгістратуры.
Паліцыя распаўсюджвае фотаздымкі гэтых асобаў. Карэспандэнт інфармацыйнай агенцыі "Associated Press", які бачыў гэтыя здымкі, гаворыць што згаданыя мужчыны – ва ўзросьце ад 20 да 30 гадоў.
Няясна дагэтуль, ці сапраўды яны мелі сувязь з атакамі. Таксама невядома, у якім гатэлі яны спыняліся.
Джэрэмі Біні працуе ў аналітычным агенцтве "Jane''s Intelligence", якая займаецца зборам палітычнай інфармацыі і інфармацыі, датычнай бясьпекі і выведкі. Ён гаворыць, што можа толькі здагадвацца, чаму адбыліся гэтыя атакі:
(Біні: ) "Людзі глядзелі на час, калі адбыліся напады і адзначалі, што яны прайшлі пасьля лёнданскіх. Магчыма гэта нешта кшталту контратакі супраць Захаду. Тое, што адбываецца цяпер, – падобна на ўсплёск гвалту, зьвязанага з Аль-Кайдай. У Шарм-эш-Шэйх едзе шмат багатых людзей – і зноўку там зьявіўся Пакістан".
Эгіпэцкія ўлады зрабілі вялікія захады для абароны бясьпекі рэгіёну і пошуку падазраваных. Але, як гаворыць Джэрэмі Біні, такія захады ня мелі эфэкту й раней, калі ў мінулым годзе адбыліся выбухі ў Табе.
Шарм-эш-Шэйх – адзін з самых вядомых курортаў Эгіпту, там праходзіў саміт ізраільскага і палестынскага лідэраў і многія замежнікі, у тым ліку ізраільцяне, праводзяць тут свае вакацыі.
Наступствы атакаў для мясцовай эканомікі зразумелыя і яны, выглядае, будуць моцнымі. 7 мільярдаў даляраў ад турыстычнай індустрыі ў Эгіпце адыгрываюць вялікую ролю ў эканоміцы краіны.
Іншыя гавораць, што мэты атакаў былі – дэстабілізаваць Эгіпет напярэдадні першых альтэрнатыўных прэзыдэнцкіх выбараў у Эгіпце, заплянаваных на 7-га верасьня. Эгіпет зьяўляецца саюзьнікам ЗША і атрымлівае значную фінансавую дапамогу ад Амэрыкі.
