Старшыня Саюзу палякаў Анжаліка Борыс схільная лічыць спробы паўторна правесьці 6-ы зьезд арганізацыі правакацыяй з боку ўладаў, імкненьнем кіраваць грамадзкай арганізацыяй і яшчэ больш падзяліць польскае асяродзьдзе. Яна зазначае, што мясцовыя ўлады апрацоўваюць сяброў Галоўнай рады: адным прапануюць транспарт, каб паехаць на паседжаньне ў Шчучын, іншым нават пагражаюць.
(Борыс:) “Па-першае, ліст падпісаны Тарасевічам, а Тарасевіч ужо не зьяўляецца старшынём Галоўнай рады. Па-другое, да нас тэлефануюць людзі, якія былі ў Галоўнай радзе мінулага скліканьня і абраныя таксама ў новую Раду, яны нас інфармуюць аб тым, што ім кажуць: што калі яны ня возьмуць удзелу ў пасяджэньні Рады, дык будуць нават папросту звольненыя з працы”.
У Саюзе палякаў лічаць, што падтрымка ў былога кіраўніцтва сярод сяброў Галоўнай рады недастатковая, каб прыняць рашэньне аб паўторным скліканьні зьезду, аднак некаторых зь іх могуць застрашыць і змусіць удзельнічаць у Радзе. А вось што мяркуе сам Канстанцін Тарасевіч, які склікае сяброў Галоўнай рады на паседжаньне ў Шчучын:
(Тарасевіч:) “Мы нікога не агітуем, нікога не змушаем і нікога ня просім. Дэмакратычным спосабам запрасілі. А як ня будзе кворуму, тады дамо адказ міністэрству юстыцыі, што кворум сабраць не ўдалося, таму што я ведаю, што з мінулай Рады ў новую абраныя 17 асобаў і гэтыя 17 асобаў не прызналі рашэньне міністэрства юстыцыі наконт нелегітымнасьці апошняга зьезду”.
Спадар Тарасевіч кажа, што нічога ня ведае аб фактах апрацоўкі ўладамі сяброў былой Галоўнай рады, каб яны ехалі ў Шчучын і вызначалі — калі паўторна правесьці зьезд Саюзу палякаў. Але ён зазначае, што ведае пра тое, што многія не захочуць удзельнічаць у гэтай справе. Паводле ягоных падлікаў, існуе шанец сабраць максымум 16 чалавек, але тады ніякае рашэньне прынятае быць ня можа, кажа ён. Тым часам Канстанцін Тарасевіч падкрэсьлівае, што фармальна ён мусіць правесьці гэтае паседжаньне сваёй Рады, бо гэтага патрабуе міністэрства юстыцыі.
(Борыс:) “Па-першае, ліст падпісаны Тарасевічам, а Тарасевіч ужо не зьяўляецца старшынём Галоўнай рады. Па-другое, да нас тэлефануюць людзі, якія былі ў Галоўнай радзе мінулага скліканьня і абраныя таксама ў новую Раду, яны нас інфармуюць аб тым, што ім кажуць: што калі яны ня возьмуць удзелу ў пасяджэньні Рады, дык будуць нават папросту звольненыя з працы”.
У Саюзе палякаў лічаць, што падтрымка ў былога кіраўніцтва сярод сяброў Галоўнай рады недастатковая, каб прыняць рашэньне аб паўторным скліканьні зьезду, аднак некаторых зь іх могуць застрашыць і змусіць удзельнічаць у Радзе. А вось што мяркуе сам Канстанцін Тарасевіч, які склікае сяброў Галоўнай рады на паседжаньне ў Шчучын:
(Тарасевіч:) “Мы нікога не агітуем, нікога не змушаем і нікога ня просім. Дэмакратычным спосабам запрасілі. А як ня будзе кворуму, тады дамо адказ міністэрству юстыцыі, што кворум сабраць не ўдалося, таму што я ведаю, што з мінулай Рады ў новую абраныя 17 асобаў і гэтыя 17 асобаў не прызналі рашэньне міністэрства юстыцыі наконт нелегітымнасьці апошняга зьезду”.
Спадар Тарасевіч кажа, што нічога ня ведае аб фактах апрацоўкі ўладамі сяброў былой Галоўнай рады, каб яны ехалі ў Шчучын і вызначалі — калі паўторна правесьці зьезд Саюзу палякаў. Але ён зазначае, што ведае пра тое, што многія не захочуць удзельнічаць у гэтай справе. Паводле ягоных падлікаў, існуе шанец сабраць максымум 16 чалавек, але тады ніякае рашэньне прынятае быць ня можа, кажа ён. Тым часам Канстанцін Тарасевіч падкрэсьлівае, што фармальна ён мусіць правесьці гэтае паседжаньне сваёй Рады, бо гэтага патрабуе міністэрства юстыцыі.
