ТБІЛІСІ. Грузінскія вайскоўцы затрымалі недалёка ад гораду Батумі два расейскія танкі. Машыны, якія належаць да 12-й вайсковай базы, накіроўваліся на палігон для ўдзелу ў заплянаваных раней манэўрах.
Тбілісі абвінаваціў Маскву ў парушэньні двухбаковых дамоўленасьцяў. Паводле падпісанага месяц таму пагадненьня, у часе курортнага сэзону ў Аджарыі, расейскія вайскоўцы мусяць праводзіць манэўры на іншым палігоне, які месьціцца ў раёне гораду Кутаісі.