На Цэнтральным рынку ў гандлёвых шэрагах з боку вуліцы Катуніна лясныя чарніцы прадаюць каля дзясятка жанчын і дзяўчат-падлеткаў. Цікаўлюся ў прадавачкі чарніц з Рудні Марымонавай Гомельскага раёну, ці правярала ягады на радыяцыю.
(Прадавачка: ) “Правярала, канечне. У мяне і квіток ёсьць”.
(Карэспандэнт: ) “Колькі бэкерэляў у чарніцах?”
(Прадавачка: ) “Я не разьбіраюся. Яны дазволілі, значыць, харошыя — во напісалі”.
Чытаю: утрыманьне цэзію-137 — 95,4 бэкерэля на кіляграм. Паводле лагодных беларускіх санітарных нормаў такія чарніцы сапраўды дазваляецца спажываць. Найвышэйшы ўзровень забруджваньня для лясных ягад — 185 бэкерэляў на кіляграм. Аднак побач з тымі, хто праверыў свае чарніцы, гандлююць і жанчыны, у каго няма ніякіх квіткоў наконт праверкі.
(Карэспандэнт: ) “Колькі каштуюць вашы чарніцы?”
(Жанчына: ) “700 рублёў шклянка”.
(Карэспандэнт: ) “А ці правяралі вы свае чарніцы на радыяцыю?”
(Жанчына: ) “Мы зь вёскі Зябраўка. У нас лічыцца чыстая зона — там і зьбіралі. Прыпынак Саколка, а вёска Зябраўка. Ніякай радыяцыі ў нас няма”, — сьцьвярджае адна з прадавачак.
На рагу вуліцаў Катуніна і Карповіча немаладая ўжо жанчына прапануе лісічкі. Яны таксама не правераныя. Цікаўлюся ў прадавачкі — чаму?
(Жанчына: ) “Хачу хутчэй прадаць — і дахаты. А там трэба цэлы дзень стаяць ды за месца трэба яшчэ плаціць 2 тысячы рублёў”, — патлумачыла жанчына.
У лябараторыі рынку доктар-радыёляг Ала Аплачыкава тлумачыць, што на веру ніякіх грыбоў і ягад купляць нельга. У лясах нават паблізу абласнога цэнтру трапляюцца даволі моцна заражаныя радыяцыяй грыбы і ягады — у два і болей разоў вышэй дапушчальных узроўняў. Лісічкі з-пад Лоева наагул “сьвяціліся”, радыяцыя ў іх перавышала дапушчальны ўзровень больш як у дзесяць разоў.
Асабліва шмат неправеранай прадукцыі прадаецца на Прывакзальным рынку. Гэта ня толькі лясныя ягады і грыбы, але і малако. Жанчына зь вёскі Новы Двор прапануе малако па 800 рублёў за літар і тлумачыць, што яно праверанае:
(Жанчына: ) “Правяраюць тлустасьць”.
(Карэспандэнт: ) “А на радыяцыю”?
(Жанчына: ) “Ведаеце, у нас амаль што няма гэтай радыяцыі. Я аналізаў не ўзяла”.
(Карэспандэнт: ) “Купляюць малако без праверкі?”
(Жанчына: ) “Купляюць, каму трэба”.
(Прадавачка: ) “Правярала, канечне. У мяне і квіток ёсьць”.
(Карэспандэнт: ) “Колькі бэкерэляў у чарніцах?”
(Прадавачка: ) “Я не разьбіраюся. Яны дазволілі, значыць, харошыя — во напісалі”.
Чытаю: утрыманьне цэзію-137 — 95,4 бэкерэля на кіляграм. Паводле лагодных беларускіх санітарных нормаў такія чарніцы сапраўды дазваляецца спажываць. Найвышэйшы ўзровень забруджваньня для лясных ягад — 185 бэкерэляў на кіляграм. Аднак побач з тымі, хто праверыў свае чарніцы, гандлююць і жанчыны, у каго няма ніякіх квіткоў наконт праверкі.
(Карэспандэнт: ) “Колькі каштуюць вашы чарніцы?”
(Жанчына: ) “700 рублёў шклянка”.
(Карэспандэнт: ) “А ці правяралі вы свае чарніцы на радыяцыю?”
(Жанчына: ) “Мы зь вёскі Зябраўка. У нас лічыцца чыстая зона — там і зьбіралі. Прыпынак Саколка, а вёска Зябраўка. Ніякай радыяцыі ў нас няма”, — сьцьвярджае адна з прадавачак.
На рагу вуліцаў Катуніна і Карповіча немаладая ўжо жанчына прапануе лісічкі. Яны таксама не правераныя. Цікаўлюся ў прадавачкі — чаму?
(Жанчына: ) “Хачу хутчэй прадаць — і дахаты. А там трэба цэлы дзень стаяць ды за месца трэба яшчэ плаціць 2 тысячы рублёў”, — патлумачыла жанчына.
У лябараторыі рынку доктар-радыёляг Ала Аплачыкава тлумачыць, што на веру ніякіх грыбоў і ягад купляць нельга. У лясах нават паблізу абласнога цэнтру трапляюцца даволі моцна заражаныя радыяцыяй грыбы і ягады — у два і болей разоў вышэй дапушчальных узроўняў. Лісічкі з-пад Лоева наагул “сьвяціліся”, радыяцыя ў іх перавышала дапушчальны ўзровень больш як у дзесяць разоў.
Асабліва шмат неправеранай прадукцыі прадаецца на Прывакзальным рынку. Гэта ня толькі лясныя ягады і грыбы, але і малако. Жанчына зь вёскі Новы Двор прапануе малако па 800 рублёў за літар і тлумачыць, што яно праверанае:
(Жанчына: ) “Правяраюць тлустасьць”.
(Карэспандэнт: ) “А на радыяцыю”?
(Жанчына: ) “Ведаеце, у нас амаль што няма гэтай радыяцыі. Я аналізаў не ўзяла”.
(Карэспандэнт: ) “Купляюць малако без праверкі?”
(Жанчына: ) “Купляюць, каму трэба”.
