Бальшыня беларускіх чыноўнікаў, выбіраючы месца адпачынку, скіроўвае позіркі на санаторыі Кіраўніцтва спраў прэзыдэнта, разьмешчаныя ў суседніх краінах. Прычына простая: такі адпачынак дзяржаўным асобам і іх сем’ям вельмі танна каштуе, паколькі дзяржава бярэ на сябе амаль усе выдаткі.
Найбольш прэстыжна правесьці вакацыі ў Туапсэ, у санаторыі “Белая Русь”. Туды імкнуцца трапіць усе вялікія і малыя начальнікі, таму звычайнаму турысту патрапіць на гэты расейскі курорт практычна немагчыма. Гэткай жа папулярнасьцю карыстаецца адпачынак у Сочы. Хто дрэнна пераносіць сьпёку і доўгую дарогу, едзе ў Латвію ці Літву, альбо, на скрайні выпадак, аднаўляе здароўе ў Беларусі. Пра прыярытэты чынавенства ў адпачынках апавядае супрацоўнік цэнтру “Курорт” пры Кіраўніцтве справаў прэзыдэнта:
(Супрацоўнік цэнтру “Курорт”: ) “Юность” і “Баравое” — гэта ў нас. “Беларусь” у Сочы, “Белая Русь” у Туапсэ, “Белоруссия” ў Юрмале, Друскінінкай — гэта ўсё, што ў падпарадкаваньні Кіраўніцтва справаў прэзыдэнта. Яшчэ арандуем дзьве-чатыры базы адпачынку ў Крыме. Што да фінансавых выдаткаў, то дарогу трэба аплачваць самастойна. Усё астатняе — прыблізна 25% ад кошту. Прадстаўляецца даведка аб даходах, і, ужо залежна ад гэтага паказьніка, аплачваецца кошт паслугаў. Але самае мінімальнае — гэта 25% ад кошту”.
Былы кіраўнік прэзыдэнцкай адміністрацыі Ўрал Латыпаў вымушана адпачывае ўжо больш за паўгоду. У канцы лістапада ён быў выпраўлены ў адстаўку і цяпер ня мае праблемаў з вольным часам. Запытваю — чаму беларускія службоўцы практычна не выяжджаюць на папулярныя ў асяродку шараговых беларусаў пляжы Турэччыны ці Эгіпту? Ці таму, што такі шык не ўхваляе кіраўнік краіны, альбо, як і ў выпадку з камандзіроўкамі, Аляксандар Лукашэнка мусіць накласьці рэзалюцыю на адпачынак канкрэтнаму чыноўніку? Ці, магчыма, усё ж ашчаджаюць грошы?
(Латыпаў: ) “Не скажу, наколькі адпачываць тут таньней, чым за мяжой, гэта па-першае. Па-другое, гэта індывідуальна ад кожнага чалавека залежыць. Чынавенства не брыгадамі ж на адпачынак езьдзіць, кожны сам выбірае. І трэцяе, што таксама відавочна: народ прызвычаіўся адпачываць у сваёй вёсцы, альбо на той жа Нарачы — усё гэта бліжэй успрымаецца, гэта рэальны адпачынак. Як мне падаецца, гэта нават больш зьвязана з псыхалягічнымі момантамі. Прыкладам, у мяне жонка беларуска, яе нікуды ня выцягнеш, яна адпачывае толькі на Лошы, што на паўдарозе паміж Слуцкам і Менскам. Натуральна, што нейкая частка за мяжу выяжджае, але ня думаю, што тут прычыны нейкія фінансавыя. Хутчэй, як я ўжо казаў, псыхалягічныя. А ў Турэччыну езьдзяць, перадусім, бізнэсоўцы, сярэдні кляс”.
(Карэспандэнт: ) “Усё ж, ці можа быць адной з прычынаў тое, што Аляксандар Лукашэнка, які сам летам асабліва не адпачывае, і толькі зімой выяжджае ў горы, не вітае замежных адпачынкаў падначаленых?”
(Латыпаў: ) “Я ніколі ня чуў, каб ён казаў: ня трэба езьдзіць за мяжу адпачываць. Проста хачу ўдакладніць: не была ў нас ніколі паездка за мяжу звыклым адпачынкам, усе адпачывалі тут. Мы ж людзі, у прынцыпе, савецкія (я маю на ўвазе пакаленьне чыноўнікаў). Чыноўнікі ж прыблізна майго ўзросту, гадоў пад пяцьдзясят. Таму тут справа не ў палітыцы, а ў псыхалёгіі, у фінансах”.
Найбольш прэстыжна правесьці вакацыі ў Туапсэ, у санаторыі “Белая Русь”. Туды імкнуцца трапіць усе вялікія і малыя начальнікі, таму звычайнаму турысту патрапіць на гэты расейскі курорт практычна немагчыма. Гэткай жа папулярнасьцю карыстаецца адпачынак у Сочы. Хто дрэнна пераносіць сьпёку і доўгую дарогу, едзе ў Латвію ці Літву, альбо, на скрайні выпадак, аднаўляе здароўе ў Беларусі. Пра прыярытэты чынавенства ў адпачынках апавядае супрацоўнік цэнтру “Курорт” пры Кіраўніцтве справаў прэзыдэнта:
(Супрацоўнік цэнтру “Курорт”: ) “Юность” і “Баравое” — гэта ў нас. “Беларусь” у Сочы, “Белая Русь” у Туапсэ, “Белоруссия” ў Юрмале, Друскінінкай — гэта ўсё, што ў падпарадкаваньні Кіраўніцтва справаў прэзыдэнта. Яшчэ арандуем дзьве-чатыры базы адпачынку ў Крыме. Што да фінансавых выдаткаў, то дарогу трэба аплачваць самастойна. Усё астатняе — прыблізна 25% ад кошту. Прадстаўляецца даведка аб даходах, і, ужо залежна ад гэтага паказьніка, аплачваецца кошт паслугаў. Але самае мінімальнае — гэта 25% ад кошту”.
Былы кіраўнік прэзыдэнцкай адміністрацыі Ўрал Латыпаў вымушана адпачывае ўжо больш за паўгоду. У канцы лістапада ён быў выпраўлены ў адстаўку і цяпер ня мае праблемаў з вольным часам. Запытваю — чаму беларускія службоўцы практычна не выяжджаюць на папулярныя ў асяродку шараговых беларусаў пляжы Турэччыны ці Эгіпту? Ці таму, што такі шык не ўхваляе кіраўнік краіны, альбо, як і ў выпадку з камандзіроўкамі, Аляксандар Лукашэнка мусіць накласьці рэзалюцыю на адпачынак канкрэтнаму чыноўніку? Ці, магчыма, усё ж ашчаджаюць грошы?
(Латыпаў: ) “Не скажу, наколькі адпачываць тут таньней, чым за мяжой, гэта па-першае. Па-другое, гэта індывідуальна ад кожнага чалавека залежыць. Чынавенства не брыгадамі ж на адпачынак езьдзіць, кожны сам выбірае. І трэцяе, што таксама відавочна: народ прызвычаіўся адпачываць у сваёй вёсцы, альбо на той жа Нарачы — усё гэта бліжэй успрымаецца, гэта рэальны адпачынак. Як мне падаецца, гэта нават больш зьвязана з псыхалягічнымі момантамі. Прыкладам, у мяне жонка беларуска, яе нікуды ня выцягнеш, яна адпачывае толькі на Лошы, што на паўдарозе паміж Слуцкам і Менскам. Натуральна, што нейкая частка за мяжу выяжджае, але ня думаю, што тут прычыны нейкія фінансавыя. Хутчэй, як я ўжо казаў, псыхалягічныя. А ў Турэччыну езьдзяць, перадусім, бізнэсоўцы, сярэдні кляс”.
(Карэспандэнт: ) “Усё ж, ці можа быць адной з прычынаў тое, што Аляксандар Лукашэнка, які сам летам асабліва не адпачывае, і толькі зімой выяжджае ў горы, не вітае замежных адпачынкаў падначаленых?”
(Латыпаў: ) “Я ніколі ня чуў, каб ён казаў: ня трэба езьдзіць за мяжу адпачываць. Проста хачу ўдакладніць: не была ў нас ніколі паездка за мяжу звыклым адпачынкам, усе адпачывалі тут. Мы ж людзі, у прынцыпе, савецкія (я маю на ўвазе пакаленьне чыноўнікаў). Чыноўнікі ж прыблізна майго ўзросту, гадоў пад пяцьдзясят. Таму тут справа не ў палітыцы, а ў псыхалёгіі, у фінансах”.
