На прыступках Мастацкага музэю ён паставіў 4 партрэты беларускіх дзеячоў, якія былі загорнутыя ў чорную тканіну і абвязаныя чырвонымі ланцугамі. Алесь на вачах у мінакоў, якія вярталіся пасьля сьвяточнага фэервэрку, пачаў здымаць з партрэтаў тканіну, але міліцыянты не далі яму працягнуць акцыю і затрымалі мастака. Паколькі Алесь Пушкін аказаў супраціў, на яго начапілі кайданкі і несьлі ў гарадзкі аддзел міліцыі на вуліцу Карла Маркса тварам уніз.
Гэта ўжо другі пэрформанс, які Алесь Пушкін ладзіў 3 ліпеня. Тры гады таму ён з партрэтамі беларускіх дзеячоў быў затрыманы каля будынку Дома Ўраду на пляцы Незалежнасьці. За гэта ён быў аштрафаваны судом Маскоўскага раёну.
Разам з Пушкіным у міліцыю трапілі фотакарэспандэнт агенцтва Associated Press Сяргей Грыц і фотакарэспандэнтка газэты “Наша Ніва” Юлія Дарашкевіч. Карэспандэнтаў трымалі ў пастарунку тры гадзіны, ім не дазвалялі выйсьці на вуліцу і адпусьцілі толькі тады, калі прыехаў намесьнік кіраўніка Ленінскага раёну. На думку фотакарэспандэнтаў, міліцыянты злоўжывалі сваім службовым становішчам, бо ім былі прад’яўленыя ўсе неабходныя дакумэнты.
Гэта ўжо другі пэрформанс, які Алесь Пушкін ладзіў 3 ліпеня. Тры гады таму ён з партрэтамі беларускіх дзеячоў быў затрыманы каля будынку Дома Ўраду на пляцы Незалежнасьці. За гэта ён быў аштрафаваны судом Маскоўскага раёну.
Разам з Пушкіным у міліцыю трапілі фотакарэспандэнт агенцтва Associated Press Сяргей Грыц і фотакарэспандэнтка газэты “Наша Ніва” Юлія Дарашкевіч. Карэспандэнтаў трымалі ў пастарунку тры гадзіны, ім не дазвалялі выйсьці на вуліцу і адпусьцілі толькі тады, калі прыехаў намесьнік кіраўніка Ленінскага раёну. На думку фотакарэспандэнтаў, міліцыянты злоўжывалі сваім службовым становішчам, бо ім былі прад’яўленыя ўсе неабходныя дакумэнты.
