Правесьці закрыты судовы працэс прапанавала кіраўніцтва кампаніі “Экамэдсэрвіс”, якое падало пазоў. Адказчыкі з боку Міністэрства аховы здароўя з гэтым пагадзіліся, і судзьдзя Алена Караткевіч хадайніцтва задаволіла. Зь якіх прычынаў зьявілася патрэба закрытага працэсу і як праходзіў першы дзень слуханьняў, “Свабодзе” паведаміла прадстаўніца “Экамэдсэрвісу” Натальля Крамнёва:
(Крамнёва: ) “З прычынаў камэрцыйнай інфармацыі, гэта не палітычныя прычыны. Быў выслуханы наш бок, выказалася міністэрства, а затым судзьдзя задавала пытаньні. Большасьць пытаньняў была да Міністэрства аховы здароўя, канечне”.
І кіраўніцтва кампаніі “Экамэдсэрвіс”, і прадстаўніцтва Міністэрства аховы здароўя спадзяюцца на станоўчае для сябе рашэньне суду. А таму больш падрабязныя камэнтары пра хаду працэсу яны даваць адмаўляюцца. Працяг паседжаньня прызначаны на панядзелак, 4 ліпеня. У гэты ж дзень чакаюць афіцыйнага паведамленьня пра ануляваньне ліцэнзіі яшчэ ў адной прыватнай мэдычнай кампаніі — “Нардын”. Старшыня Беларускага саюзу прадпрымальнікаў Аляксандар Патупа перакананы, што гэтыя дзьве падзеі зьвязаныя паміж сабой.
(Патупа: ) “На мой погляд, што калі выставіць адпаведныя санітарныя патрабаваньні да ўсіх мэдычных установаў краны, то 90% зь іх будуць закрытыя. Гэта вельмі дрэнны працэс, бо, наколькі я ведаю, сёньня робяцца нейкія крокі, каб стварыць сыстэму платных паслугаў у дзяржаўных мэдычных установах. Гэткім чынам, яны зьнішчаюць сваіх канкурэнтаў. Усё гэта ёсьць часткай наступу на прыватны бізнэс увогуле, у сфэры адукацыі, мэдыцыны, гандлю і гэтак далей. І гэта відавочна”.
Ліцэнзію прыватнага мэдычнага цэнтру “Экамэдсэрвіс” Міністэрства аховы здароўя анулявала ў траўні 2005 году па выніках комплекснай праверкі, арганізаванай Камітэтам дзяржкантролю. Адной з прычынаў было названае парушэньне дзейнага заканадаўства ў справе прадастаўленьня мэдычных паслугаў. 28 чэрвеня паводле аналягічных прычынаў калегія Міністэрства анулявала ліцэнзію яшчэ аднаго прыватнага мэдычнага цэнтру — “Нардын”.
(Крамнёва: ) “З прычынаў камэрцыйнай інфармацыі, гэта не палітычныя прычыны. Быў выслуханы наш бок, выказалася міністэрства, а затым судзьдзя задавала пытаньні. Большасьць пытаньняў была да Міністэрства аховы здароўя, канечне”.
І кіраўніцтва кампаніі “Экамэдсэрвіс”, і прадстаўніцтва Міністэрства аховы здароўя спадзяюцца на станоўчае для сябе рашэньне суду. А таму больш падрабязныя камэнтары пра хаду працэсу яны даваць адмаўляюцца. Працяг паседжаньня прызначаны на панядзелак, 4 ліпеня. У гэты ж дзень чакаюць афіцыйнага паведамленьня пра ануляваньне ліцэнзіі яшчэ ў адной прыватнай мэдычнай кампаніі — “Нардын”. Старшыня Беларускага саюзу прадпрымальнікаў Аляксандар Патупа перакананы, што гэтыя дзьве падзеі зьвязаныя паміж сабой.
(Патупа: ) “На мой погляд, што калі выставіць адпаведныя санітарныя патрабаваньні да ўсіх мэдычных установаў краны, то 90% зь іх будуць закрытыя. Гэта вельмі дрэнны працэс, бо, наколькі я ведаю, сёньня робяцца нейкія крокі, каб стварыць сыстэму платных паслугаў у дзяржаўных мэдычных установах. Гэткім чынам, яны зьнішчаюць сваіх канкурэнтаў. Усё гэта ёсьць часткай наступу на прыватны бізнэс увогуле, у сфэры адукацыі, мэдыцыны, гандлю і гэтак далей. І гэта відавочна”.
Ліцэнзію прыватнага мэдычнага цэнтру “Экамэдсэрвіс” Міністэрства аховы здароўя анулявала ў траўні 2005 году па выніках комплекснай праверкі, арганізаванай Камітэтам дзяржкантролю. Адной з прычынаў было названае парушэньне дзейнага заканадаўства ў справе прадастаўленьня мэдычных паслугаў. 28 чэрвеня паводле аналягічных прычынаў калегія Міністэрства анулявала ліцэнзію яшчэ аднаго прыватнага мэдычнага цэнтру — “Нардын”.
