Выйшаў трэці "фальшывы" нумар газэты "Glos znad Niemna"

У шапікі газэту не давалі, большая частка ідзе падпісчыкам, якія павінны атрымаць яе ў другой палове дня. У сувязі з друкам незаконнага, на думку кіраўніцтва СПБ, накладу выданьня, чарговыя заявы былі накіраваныя ў Кастрычніцкую раённую пракуратуру Горадні і ў Кастрычніцкі РАУС.

Беларускія ўлады не прызнаюць новае кіраўніцтва Саюзу палякаў, якое абралі дэлегаты апошняга—6-га зьезду гэтай грамадзкай арганізацыі. Адначасова ўлады падтрымліваюць спадара Кручкоўскага, якога праўленьне Гарадзенскай гарадзкой арганізацыі СПБ выключыла са сваіх шэрагаў.