БАГДАД Паводле амэрыканскіх вайскоўцаў, сёньня яны захапілі памочніка вядомага ярданскага баевіка Абу Мусаба Ал-Заркаўі - аднога з галоўных арганізатараў нападаў на амэрыканскіх і ірацкіх вайскоўцаў і ірацкіх цывільных. Арыштаваны Махамад Халіф Шэйкэр. Амэрыканскі генерал Доналд Алстон , які паведаміў пра гэта, назваў арышт Шэйкэра “галоўным ударам па арганізацыі Аль-Каеды ў Іраку”.
Паводле агенцтва АР каля 1100 чалавек было забіта ў Іраку пасьля таго, як 28 красавіка да ўлады прыйшоў новы ірацкі ўрад.