Як паведамілі ў МЗС Беларусі, вядзецца актыўнае ліставаньне паміж зацікаўленымі структурамі з тым, каб у разгар сэзону сотні беларускіх турыстаў ня сталі закладнікамі канфліктнай сытуацыі. Паводле Міністэрства спорту і турызму, цяпер у Антальі адпачывае больш за паўтысячы грамадзянаў Беларусі. Разам з тым, расейскія кампаніі заяўляюць, што гатовыя арганізаваць адмысловыя чартэры як дзеля дастаўкі беларусаў у Анталью, так і дзеля іх вяртаньне дадому.
Вызначальнай датай у “канфлікце інтарэсаў”, як ужо клясыфікавалі сытуацыю ў Дзяржаўным камітэце авіяцыі, лічаць 18 чэрвеня. Між тым, прадстаўнік Міністэрства замежных справаў Руслан Есін спадзяецца, што ўсё вырашыцца падчас перамоваў паміж авіяведамствамі Беларусі і Турэччыны.
(Есін: ) “Адпаведныя беларускае і турэцкае ведамствы праводзяць у гэтым пытаньні кансультацыі. Такая ж праца ідзе і па лініі двухбаковых кансультацыяў праз дыпляматычныя каналы. Пакуль гэта на ўзроўні ліставаньня, і, мяркую, заўчасна гэта адназначна клясыфікаваць як “канфлікт”. І беларускі, і, у першую чаргу, турэцкі бок разумеюць: у разгар курортнага сэзону ствараць дадатковыя нязручнасьці для грамадзянаў як Турэччыны, так і Беларусі — справа нікому не патрэбная”.
Перамовы паміж кіраўнікамі авіяцыйных ведамстваў заплянаваныя на наступны тыдзень. Зусім ня выключана, што месцам сустрэчы стане якраз Анталья.
З крыніцаў у “Белавія” стала вядома: паралельна адпрацоўваюцца рэзэрвавыя варыянты палётаў у Турэччыну расейскімі авіякампаніямі. Менавіта расейцы могуць застануцца ў выйгрышы, калі Турэччына забароніць “Белавія” лятаць у Анталью. Цяпер пералёт беларускім самалётам у тую ж Анталью каштуе больш за 300 даляраў. У маскоўскай турфірме “Наталі Турс” расказалі, якія кошты на авіяпералёт уключае фірма ў свой турыстычны пакет:
(Супрацоўніца “Наталі Турс”: ) “Да самой Антальі — 180 даляраў. Кемэр — таксама 180. За 200 ужо можна выбіраць штосьці лепшае”.
Тэарэтычна ў беларусаў застаюцца альтэрнатыўныя шляхі патрапіць у Турэччыну авіякампаніямі суседніх краінаў. Аднак карыстаюцца паслугамі суседзяў пакуль ня многія. Можна спыніцца на больш танных польскіх авіяперавозчыках, аднак палохае досыць дарагая дарога да Варшавы. Пра мінусы палётаў з краінаў Балтыі апавядае прадстаўніца латвійскай кампаніі “Air Baltic” Алена Міхайлік:
(Міхайлік: ) “Усё залежыць ад узроўню жыцьця ў краіне. Латвія — краіна даражэйшая за Беларусь, адпаведна, і кошты вышэйшыя. Да таго ж, чартэр мае на ўвазе ня толькі пералёт, а турыстычны пакет; кошт фармуецца з разьліку комплексу паслугаў, гэта ня толькі пералёт. Але, мяркую, у выпадку ўзмацненьня канфлікту публіка ўся пяройдзе на чартэры з Масквы. Латышы тут не канкурэнты”.
Канкураваць з расейцамі неўзабаве змогуць украінскія авіякампаніі. Прыкладам, кошты на пералёт “Авіялініямі Ўкраіны” — дзесьці пасярэдзіне паміж расейскімі і беларускімі. І, як сьведчыць статыстыка, беларусы ўсё часьцей карыстаюцца гэтым.
(Прадстаўнік “Авіялініяў Украіны”: ) “Увогуле, гэта самы запатрабаваны ў гэтым сэзоне кірунак. У “Белавія”, я ведаю, пералёт каштуе дзесьці 300 даляраў. У расейскіх кампаніяў пералёт значна таньнейшы, мы дзесьці пасярэдзіне. І тут цалкам лягічная сытуацыя: Расея лятае на сваім керасіне, а мы ўсе, як ні круці — на імпартным”.
Паводле Міністэрства спорту і турызму, цяпер на турэцкім курорце Анталья адпачываюць больш як 500 грамадзянаў Беларусі, якія туды адляцелі самалётамі “Белавія”. Наступны рэйс на Анталью заплянаваны на 18 чэрвеня.
Вызначальнай датай у “канфлікце інтарэсаў”, як ужо клясыфікавалі сытуацыю ў Дзяржаўным камітэце авіяцыі, лічаць 18 чэрвеня. Між тым, прадстаўнік Міністэрства замежных справаў Руслан Есін спадзяецца, што ўсё вырашыцца падчас перамоваў паміж авіяведамствамі Беларусі і Турэччыны.
(Есін: ) “Адпаведныя беларускае і турэцкае ведамствы праводзяць у гэтым пытаньні кансультацыі. Такая ж праца ідзе і па лініі двухбаковых кансультацыяў праз дыпляматычныя каналы. Пакуль гэта на ўзроўні ліставаньня, і, мяркую, заўчасна гэта адназначна клясыфікаваць як “канфлікт”. І беларускі, і, у першую чаргу, турэцкі бок разумеюць: у разгар курортнага сэзону ствараць дадатковыя нязручнасьці для грамадзянаў як Турэччыны, так і Беларусі — справа нікому не патрэбная”.
Перамовы паміж кіраўнікамі авіяцыйных ведамстваў заплянаваныя на наступны тыдзень. Зусім ня выключана, што месцам сустрэчы стане якраз Анталья.
З крыніцаў у “Белавія” стала вядома: паралельна адпрацоўваюцца рэзэрвавыя варыянты палётаў у Турэччыну расейскімі авіякампаніямі. Менавіта расейцы могуць застануцца ў выйгрышы, калі Турэччына забароніць “Белавія” лятаць у Анталью. Цяпер пералёт беларускім самалётам у тую ж Анталью каштуе больш за 300 даляраў. У маскоўскай турфірме “Наталі Турс” расказалі, якія кошты на авіяпералёт уключае фірма ў свой турыстычны пакет:
(Супрацоўніца “Наталі Турс”: ) “Да самой Антальі — 180 даляраў. Кемэр — таксама 180. За 200 ужо можна выбіраць штосьці лепшае”.
Тэарэтычна ў беларусаў застаюцца альтэрнатыўныя шляхі патрапіць у Турэччыну авіякампаніямі суседніх краінаў. Аднак карыстаюцца паслугамі суседзяў пакуль ня многія. Можна спыніцца на больш танных польскіх авіяперавозчыках, аднак палохае досыць дарагая дарога да Варшавы. Пра мінусы палётаў з краінаў Балтыі апавядае прадстаўніца латвійскай кампаніі “Air Baltic” Алена Міхайлік:
(Міхайлік: ) “Усё залежыць ад узроўню жыцьця ў краіне. Латвія — краіна даражэйшая за Беларусь, адпаведна, і кошты вышэйшыя. Да таго ж, чартэр мае на ўвазе ня толькі пералёт, а турыстычны пакет; кошт фармуецца з разьліку комплексу паслугаў, гэта ня толькі пералёт. Але, мяркую, у выпадку ўзмацненьня канфлікту публіка ўся пяройдзе на чартэры з Масквы. Латышы тут не канкурэнты”.
Канкураваць з расейцамі неўзабаве змогуць украінскія авіякампаніі. Прыкладам, кошты на пералёт “Авіялініямі Ўкраіны” — дзесьці пасярэдзіне паміж расейскімі і беларускімі. І, як сьведчыць статыстыка, беларусы ўсё часьцей карыстаюцца гэтым.
(Прадстаўнік “Авіялініяў Украіны”: ) “Увогуле, гэта самы запатрабаваны ў гэтым сэзоне кірунак. У “Белавія”, я ведаю, пералёт каштуе дзесьці 300 даляраў. У расейскіх кампаніяў пералёт значна таньнейшы, мы дзесьці пасярэдзіне. І тут цалкам лягічная сытуацыя: Расея лятае на сваім керасіне, а мы ўсе, як ні круці — на імпартным”.
Паводле Міністэрства спорту і турызму, цяпер на турэцкім курорце Анталья адпачываюць больш як 500 грамадзянаў Беларусі, якія туды адляцелі самалётамі “Белавія”. Наступны рэйс на Анталью заплянаваны на 18 чэрвеня.
