САНТА МАРЫЯ. Амэрыканскі сьпявак Майкл Джэксан прызнаны невінаватым па ўсіх 10 пунктах абвінавачаньня. Прысуд быў абвешчаны апоўначы паводле беларускага часу ў судзе гораду Санта Марыя (штат Каліфорнія). Джэксана вінавацілі, у прыватнасьці, у сэксуальных дамаганьнях да 13-гадовага хлопчыка, спойваньні непаўналетніх і ў злачыннай змове з мэтаю выкраданьня дзіцяці.