Актывісты грамадзкай кампаніі ў справе рэфэрэндуму зьбіраліся правесьці сход ініцыятыўнай групы 13 чэрвеня ў парку 50-годзьдзя Кастрычніка. Гэтыя дата і месца былі пададзеныя ў адпаведнай заяўцы гарадзкім уладам. Аднак Менскі гарвыканкам прыслаў адмоўны адказ, спаслаўшыся на тры фармальныя прычыны: што нібыта заяўка была аформленая няправільна, не была ўказаная мэта сходу і колькасьць яго ўдзельнікаў, а таксама не акрэсьленыя захады дзеля бясьпекі грамадзянаў.
Адзін з кіраўнікоў аргкамітэту ў справе рэфэрэндуму Сяргей Альфер паведаміў, што новая заяўка ў гарвыканкам падавацца ня будзе, і каб не парушаць заканадаўства, сход ініцыятыўнай групы пройдзе ў закрытым памяшканьні.
Адзін з найбольш верагодных варыянтаў — у сядзібе БНФ. Вызначаныя дата і час сходу — 21 чэрвеня ў 19 гадзін. Гэта відавочна зьменшыць колькасьць патэнцыйных удзельнікаў сходу.
Іншы прадстаўнік аргкамітэту Ўладзімер Лабковіч паведаміў, што праекты ўсіх дакумэнтаў, якія будуць разглядацца на паседжаньні ініцыятыўнай групы і якія мяркуецца потым перадаць у гарвыканкам для зацьвярджэньня, падрыхтаваныя.
Тым ня менш, спадар Лабковіч не выключае, што ўлады могуць адмовіць у рэгістрацыі ініцыятыўнай групы для пачатку збору подпісаў за рэфэрэндум:
(Лабковіч: ) “Гэта рэальная праблема, якая турбуе ўсіх жыхароў гораду Менску. Мы не сустракалі ніводнага чалавека, які быў бы задаволены гэтай сваволяй зь перайменаваньнем вуліцаў. Для нас самае галоўнае, каб у нас атрымалася грамадзкая кампанія і была падтрымка нашых грамадзянаў”.
Уладзімер Лабковіч паведаміў, што да грамадзкай ініцыятывы за вяртаньне ранейшых назваў цэнтральным праспэктам і вуліцам Менску далучаюцца ўсё новыя людзі і структуры. Цяпер яе падтрымлівае болей за дваццаць партыяў і грамадзкіх арганізацыяў ды рухаў.
Адзін з кіраўнікоў аргкамітэту ў справе рэфэрэндуму Сяргей Альфер паведаміў, што новая заяўка ў гарвыканкам падавацца ня будзе, і каб не парушаць заканадаўства, сход ініцыятыўнай групы пройдзе ў закрытым памяшканьні.
Адзін з найбольш верагодных варыянтаў — у сядзібе БНФ. Вызначаныя дата і час сходу — 21 чэрвеня ў 19 гадзін. Гэта відавочна зьменшыць колькасьць патэнцыйных удзельнікаў сходу.
Іншы прадстаўнік аргкамітэту Ўладзімер Лабковіч паведаміў, што праекты ўсіх дакумэнтаў, якія будуць разглядацца на паседжаньні ініцыятыўнай групы і якія мяркуецца потым перадаць у гарвыканкам для зацьвярджэньня, падрыхтаваныя.
Тым ня менш, спадар Лабковіч не выключае, што ўлады могуць адмовіць у рэгістрацыі ініцыятыўнай групы для пачатку збору подпісаў за рэфэрэндум:
(Лабковіч: ) “Гэта рэальная праблема, якая турбуе ўсіх жыхароў гораду Менску. Мы не сустракалі ніводнага чалавека, які быў бы задаволены гэтай сваволяй зь перайменаваньнем вуліцаў. Для нас самае галоўнае, каб у нас атрымалася грамадзкая кампанія і была падтрымка нашых грамадзянаў”.
Уладзімер Лабковіч паведаміў, што да грамадзкай ініцыятывы за вяртаньне ранейшых назваў цэнтральным праспэктам і вуліцам Менску далучаюцца ўсё новыя людзі і структуры. Цяпер яе падтрымлівае болей за дваццаць партыяў і грамадзкіх арганізацыяў ды рухаў.
