Супрацоўнікі мэдычнага цэнтру “Экамэдсэрвіс” рыхтуюцца да навасельля: пасьля шматгадовых перамоваў з гарадзкімі ўладамі нарэшце ўдалося прыватызаваць дзяржаўны “даўгабуд”. Аднак пераезд у новы будынак азмрочыўся непрыемнасьцямі.
Як апавялі ў цэнтры, рашэньне Міністэрства аховы здароўя аб прыпыненьні ліцэнзіі прынятае на падставе таго, што некаторыя адмыслоўцы на момант праверкі ня мелі вышэйшай катэгорыі ў сваіх спэцыяльнасьцях. Зрэшты, кіраўніцтва “Экамэдсэрвісу” яшчэ спадзяецца знайсьці паразуменьне з галіновым ведамствам, таму ад камэнтароў устрымліваецца. Кажуць, што, перадусім, не хацелі б палохаць кліентаў.
(Супрацоўніца цэнтру: ) “Пакуль проста глядзіце на факты: вы затэлефанавалі, у офісе вам адказалі; будоўля ў нас завяршаецца. Нічога большага я вам сказаць не магу”.
Сыгнал для прыватных мэдычных установаў паступіў яшчэ ў сакавіку, падчас нарады ў пытаньнях рэфармаваньня сыстэмы аховы здароўя. Тады Аляксандар Лукашэнка заявіў: мэдыцына ў Беларусі мусіць быць даступнай кожнаму. Практычна адразу ж пасьля гэтага шэраг буйных мэдычных цэнтраў, уключна з “Экамэдсэрвіс”, “Нардын”, “Ладэ”, патрапілі ў цэнтар увагі Камітэту дзяржаўнага кантролю. Практычна ўсім камэрцыйным установам, куды наведваліся кантралёры, былі прад’яўленыя розныя прэтэнзіі. Памочнік міністра аховы здароўя Алег Матусевіч на просьбу Радыё Свабода пацьвердзіў: дзейнасьць ліцэнзіі “Экамэдсэрвісу” сапраўды прыпыненая.
(Матусевіч: ) “Ліцэнзію прыпынілі — ня ведаю, пазбавілі ўрэшце ці не. Тое, што самі камэрсанты з гэтым ня згодныя — гэта цалкам зразумела. Але ж ступень вінаватасьці вызначае не адзін чалавек. Калі ёсьць парушэньні, то мусяць быць і пэўныя захады. Але сумняваюся, што гэта такая значная навіна”.
Між тым, многія сталыя і патэнцыйныя кліенты прыватных мэдычных цэнтраў абураныя абмежаваньнем іх дзейнасьці.
(Мінак: ) “У чалавека мусіць быць права выбару. Калі ёсьць грошы, але бракуе часу, ён мае права атрымаць адпаведнае абслугоўваньне. Я сам летась карыстаўся паслугамі цэнтру “Нардын”, перад зімой рабіў прышчэпку ад грыпу. Уся працэдура заняла хвілінаў пятнаццаць і каштавала 10 тысяч. Без усялякай чаргі, бяз траты нэрваў і часу”.
Што да пытаньняў пра кошты, то суразмоўцы ўдакладняюць: у дзяржаўных паліклініках абслугоўваньне толькі ўмоўна можна назваць бясплатным.
Цэнтар “Экамэдсэрвіс” працуе на рынку мэдычных паслугаў дзесяць гадоў, а кіраўнік цэнтру Ўладзімер Каява лічыцца адным з найбольш пасьпяховых беларускіх бізнэсоўцаў. У 2002 годзе ён названы найлепшым прадпрымальнікам Беларусі ў галіне аховы здароўя.
Як апавялі ў цэнтры, рашэньне Міністэрства аховы здароўя аб прыпыненьні ліцэнзіі прынятае на падставе таго, што некаторыя адмыслоўцы на момант праверкі ня мелі вышэйшай катэгорыі ў сваіх спэцыяльнасьцях. Зрэшты, кіраўніцтва “Экамэдсэрвісу” яшчэ спадзяецца знайсьці паразуменьне з галіновым ведамствам, таму ад камэнтароў устрымліваецца. Кажуць, што, перадусім, не хацелі б палохаць кліентаў.
(Супрацоўніца цэнтру: ) “Пакуль проста глядзіце на факты: вы затэлефанавалі, у офісе вам адказалі; будоўля ў нас завяршаецца. Нічога большага я вам сказаць не магу”.
Сыгнал для прыватных мэдычных установаў паступіў яшчэ ў сакавіку, падчас нарады ў пытаньнях рэфармаваньня сыстэмы аховы здароўя. Тады Аляксандар Лукашэнка заявіў: мэдыцына ў Беларусі мусіць быць даступнай кожнаму. Практычна адразу ж пасьля гэтага шэраг буйных мэдычных цэнтраў, уключна з “Экамэдсэрвіс”, “Нардын”, “Ладэ”, патрапілі ў цэнтар увагі Камітэту дзяржаўнага кантролю. Практычна ўсім камэрцыйным установам, куды наведваліся кантралёры, былі прад’яўленыя розныя прэтэнзіі. Памочнік міністра аховы здароўя Алег Матусевіч на просьбу Радыё Свабода пацьвердзіў: дзейнасьць ліцэнзіі “Экамэдсэрвісу” сапраўды прыпыненая.
(Матусевіч: ) “Ліцэнзію прыпынілі — ня ведаю, пазбавілі ўрэшце ці не. Тое, што самі камэрсанты з гэтым ня згодныя — гэта цалкам зразумела. Але ж ступень вінаватасьці вызначае не адзін чалавек. Калі ёсьць парушэньні, то мусяць быць і пэўныя захады. Але сумняваюся, што гэта такая значная навіна”.
Між тым, многія сталыя і патэнцыйныя кліенты прыватных мэдычных цэнтраў абураныя абмежаваньнем іх дзейнасьці.
(Мінак: ) “У чалавека мусіць быць права выбару. Калі ёсьць грошы, але бракуе часу, ён мае права атрымаць адпаведнае абслугоўваньне. Я сам летась карыстаўся паслугамі цэнтру “Нардын”, перад зімой рабіў прышчэпку ад грыпу. Уся працэдура заняла хвілінаў пятнаццаць і каштавала 10 тысяч. Без усялякай чаргі, бяз траты нэрваў і часу”.
Што да пытаньняў пра кошты, то суразмоўцы ўдакладняюць: у дзяржаўных паліклініках абслугоўваньне толькі ўмоўна можна назваць бясплатным.
Цэнтар “Экамэдсэрвіс” працуе на рынку мэдычных паслугаў дзесяць гадоў, а кіраўнік цэнтру Ўладзімер Каява лічыцца адным з найбольш пасьпяховых беларускіх бізнэсоўцаў. У 2002 годзе ён названы найлепшым прадпрымальнікам Беларусі ў галіне аховы здароўя.
