За тыя некалькі месяцаў, што новы дырэктар абласнога краязнаўчага музэю Аляксандр Алейнік правёў на сваёй пасадзе (прыйшоўшы на пасаду з управы ідэалёгіі аблвыканкаму), ён пасьпеў пакараць старэйшага навуковага супрацоўніка Юрася Глушакова трыма вымовамі і заўвагай.
У судзе спадар Глушакоў патлумачыў, што спагнаньні яму выносяць найперш з прычыны ягонай актыўнай грамадзкай і палітычнай дзейнасьці. Пра гэта ён распавёў і Радыё Свабода:
(Глушакоў: ) “Я зьяўляюся актыўным удзельнікам грамадзкага руху “Разам” – руху, які вельмі крытычна ставіцца да існуючага ў Беларусі рэжыму. Апошнім часам, калі ў музэі зьмянілася кіраўніцтва – кажуць, што наш былы дырэктар таксама быў звольнены з прычыны палітычных меркаваньняў, бо зьяўляўся сябрам Партыі камуністаў Беларускай, – наша новае кіраўніцтва распачало моцны ўціск на ўсіх нас, супрацоўнікаў музэю, каб мы сталі поўнасьцю лаяльнымі да існуючай улады і існуючай адміністрацыі. Зразумела, гэта адно цэлае. Мы з гэтым не пагадзіліся. Такім чынам, я атрымаў тры вымовы і адну заўвагу”.
Дырэктар музэю спадар Алейнік ад камэнтару Радыё Свабода адмовіўся.
У судзе ён імкнуўся даказаць, што Юрась Глушакоў сыстэматычна спазьняецца на працу. У якасьці сьведак прывёў некалькі супрацоўнікаў. Як высьветлілася, адна з вымоваў спадару Глушакову вынесена за 1-хвіліннае спазьненьне.
За судом назіраў прадстаўнік Беларускага Хэльсынскага камітэту Віктар Адзіночанка. З нагоды ўціску дырэкцыі музэю на спадара Глушакова ён сказаў наступнае:
(Адзіночанка: ) “Я ведаю прычыны такога стаўленьня да Юрася Гушакова. Ён зьяўляецца дэпутатам гарсавету. Ён некалькі разоў спрабаваў разам са сваімі выбарцамі правесьці мітынг пратэсту супраць камунальных плацяжоў. Менавіта пасьля гэтага ў яго пачаліся ўсе непрыемнасьці. Абвінавачваньні ў тым, што ён спазьніўся на адну хвіліну, прычым, адміністрацыя не адмаўляе гэта, я лічу, абсалютнае глупства.
Таксама факт, што ў гэтым жа музэі гэты ж чалавек, дырэктар Аляксандр Людвігавіч Алейнік, звольніў Марыю Багдановіч. І таксама няма ніякага сумневу ў тым, што яна звольнена з прычыны палітычнай дзейнасьці”.
Судзьдзя Віктар Казачок, які разглядае пазоў дэпутата Глушакова да дырэкцыі музэя наконт скасаваньня спагнаньняў, паведаміў, што рашэньне абвесьціць у будучы панядзелак.
У судзе спадар Глушакоў патлумачыў, што спагнаньні яму выносяць найперш з прычыны ягонай актыўнай грамадзкай і палітычнай дзейнасьці. Пра гэта ён распавёў і Радыё Свабода:
(Глушакоў: ) “Я зьяўляюся актыўным удзельнікам грамадзкага руху “Разам” – руху, які вельмі крытычна ставіцца да існуючага ў Беларусі рэжыму. Апошнім часам, калі ў музэі зьмянілася кіраўніцтва – кажуць, што наш былы дырэктар таксама быў звольнены з прычыны палітычных меркаваньняў, бо зьяўляўся сябрам Партыі камуністаў Беларускай, – наша новае кіраўніцтва распачало моцны ўціск на ўсіх нас, супрацоўнікаў музэю, каб мы сталі поўнасьцю лаяльнымі да існуючай улады і існуючай адміністрацыі. Зразумела, гэта адно цэлае. Мы з гэтым не пагадзіліся. Такім чынам, я атрымаў тры вымовы і адну заўвагу”.
Дырэктар музэю спадар Алейнік ад камэнтару Радыё Свабода адмовіўся.
У судзе ён імкнуўся даказаць, што Юрась Глушакоў сыстэматычна спазьняецца на працу. У якасьці сьведак прывёў некалькі супрацоўнікаў. Як высьветлілася, адна з вымоваў спадару Глушакову вынесена за 1-хвіліннае спазьненьне.
За судом назіраў прадстаўнік Беларускага Хэльсынскага камітэту Віктар Адзіночанка. З нагоды ўціску дырэкцыі музэю на спадара Глушакова ён сказаў наступнае:
(Адзіночанка: ) “Я ведаю прычыны такога стаўленьня да Юрася Гушакова. Ён зьяўляецца дэпутатам гарсавету. Ён некалькі разоў спрабаваў разам са сваімі выбарцамі правесьці мітынг пратэсту супраць камунальных плацяжоў. Менавіта пасьля гэтага ў яго пачаліся ўсе непрыемнасьці. Абвінавачваньні ў тым, што ён спазьніўся на адну хвіліну, прычым, адміністрацыя не адмаўляе гэта, я лічу, абсалютнае глупства.
Таксама факт, што ў гэтым жа музэі гэты ж чалавек, дырэктар Аляксандр Людвігавіч Алейнік, звольніў Марыю Багдановіч. І таксама няма ніякага сумневу ў тым, што яна звольнена з прычыны палітычнай дзейнасьці”.
Судзьдзя Віктар Казачок, які разглядае пазоў дэпутата Глушакова да дырэкцыі музэя наконт скасаваньня спагнаньняў, паведаміў, што рашэньне абвесьціць у будучы панядзелак.
