ПЭКІН. Віцэпрэм’ер кітайскага ўраду Ву І скараціла свой візыт у Токіё на знак пратэсту супраць заявы прэм’ер-міністра Японіі Дзюінціра Каідзумі ў справе храму Ясукуні.
Прэм’ер кожны год наведвае гэты храм ў японскай сталіцы, дзе ўшанаваная памяць палеглых у часе вайны японцаў, але таксама і ваенных злачынцаў, пакараных сьмерцю.
Кожны раз гэтыя візыты выклікаюць гарачыя пратэсты ў краінах Усходняй Азіі, дзе храм лічыцца сымбалем японскага мілітарызму.
Каідзумі чарговы раз заявіў, што ня бачыць прычынаў, чаму ён павінен адмаўляцца ад наведваньня храму.