АМАН. У Ярданіі працягваецца ўсясьветны эканамічны форм, прысьвечаны праблемам блізкаўсходняга рэгіёну.
Жонка прэзыдэнта ЗША Лаўра Буш заявіла ў часе форуму, што Блізкі ўсход перажыве часы “пераменаў, якія не здараліся раней”. Паводле спадарыні Буш, гэтыя перамены дазволілі правесьці выбары ў Іраку, на палестынскіх тэрыторыях і ў Аўганістане.
Кароль Ярданіі Абдула заклікаў ўдзельнікаў сустрэчы выкарыстоўваць цяперашні спрыяльны момант, каб распачаць рэформы.
У сустрэчы бяруць удзел больш за тысячу палітыкаў і бізнэсоўцаў з 45 краінаў, у тым ліку арабскага сьвету, Ізраілю, ЗША і Эўропы.