АНДЫЖАН. Каля дзьвюх тысяч жыхароў узбэцкага гораду Карасу сёньня ўвечары абкружылі будынак гарадзкой адміністрацыі. Удзельнікі акцыі патрабуюць ад уладаў інфармацыі пра лёс аднаго з арганізатараў масавых пратэстаў 13 – 14 траўня. Узбэцкія ўлады тым часам паведамілі, што арганізатар пратэстаў у Карасу і яшчэ тры чалавекі, затрыманыя разам зь ім, перапраўленыя ў турму Андыжану.