КАБУЛ. Прэзыдэнт Аўганістану Хамід Карзай абвінаваціў у масавых беспарадках, што адбыліся ў краіне ў апошнія дні, сваіх праціўнікаў. Антыамэрыканскія хваляваньні пачаліся ў некалькіх правінцыях Аўганістану пасьля паведамленьняў пра зьняважлівае стаўленьне да Карану ў часе допытаў вязьняў у амэрыканскай вайсковай базе Гуантанама, дзе трымаюць асобаў, падазраваных у дачыненьні да тэрарыстычнай дзейнасьці.
Сярод вязьняў ёсьць і аўганскія грамадзяне.
Хамід Карзай Заявіў:
(Карзай) “Мы вядзем сьледзтва, якое тычыцца непавагі да Карану. Калі такія факты сапраўды мелі месца, то мы зьвернемся да амэрыканскага ўраду з заклікам асудзіць і пакараць тых, хто вінаваты ў гэтым”