БАГДАД. Парлямэнт Іраку стварыў адмысловую камісію, якая будзе займацца падрыхтоўкай новай канстытуцыі краіны. У камісію, у якой 55 чалавек, уваходзяць прадстаўнікі ўсіх этнічных і канфэсійных групаў Іраку. Праект канстытуцыі плянуецца абмеркаваць у часе рэфэрэндуму ў сярэдзіне кастрычніка.
Між тым сёньня ў Багдадзе выбухнулі два замінаваныя аўтамабілі: загінулі прынамсі 7 чалавек, а раненыя каля 20, у тым ліку і некалькі амэрыканскіх жаўнераў.