БАГДАД. У сталіцы Іраку сёньня здарыліся тры выбухі. У прымесьці Багдаду на міне падарвалася ірацкая вайсковая калёна – 9 чалавек забітыя і 20 параненыя. Яшчэ адна міна спрацавала на шашы, якая вядзе да багдацкага лётнішча. У часе выбуху загінуў адзін чалавек, сярод параненых – іракцы і амэрыканскія вайскоўцы. А на ўсходзе Багдаду падарваны паліцэйскі аўтамабіль – два паліцыянты параненыя. Шэраг нападаў учынены і ў іншых гарадох Іраку.