ДЖАКАРТА. У Джакарце ў кулюарах саміту краінаў Азіі і Афрыкі высокапастаўленыя прадстаўнікі Паўночнай і Паўдзённай Карэяў абмеркавалі пэрспэктывы аднаўленьня шматбаковых перамоваў у пытаньні ядзернай праграмы КНДР. Дэталі сустрэчы не паведамляюцца. Генэральны сакратар ААН Кофі Анан у часе свайго выступу ў Джакарце заклікаў Паўночную Карэю да супрацоўніцтва, каб разьвязаць крызіс дыпляматычнымі сродкамі без дадатковых захадаў Рады Бясьпекі ААН.