ТАШКЕНТ. Суд ва Ўзбэкістане прызнаў дзевяцярых чалавек вінаватымі ў рэлігійным экстрэмізьме, асудзіўшы іх на зьняволеньне тэрмінам ад 6 да 13 гадоў. Сьцьвярджаецца, што ўсе асуджаныя былі чальцамі забароненай ісламскай групы “Хэзб-ут Тахрыр”, якая выступае за негвалтоўную зьмену рэжыму й пабудову ва Ўзбэкістане ісламскай дзяржавы. Адвакат на працэсах Рустам Тулаганаў заявіў пра неўгрунтаванасьць выстаўленых судом абвінавачаньняў, а таксама адзначыў факты катаваньня падсудных у часе допытаў.